Receta e parë: Byrek me kremviçe dhe speca
Përbërësit:
1 pako peta
2 speca të kuq
250 gr kremviçe
150gr djath dhie
150gr kaçkavall
1 kokërr vezë
8lgj vaj ulliri
Kripë, piper i zi
Përgatitja:
Ngrohim furrën në temperaturën 200ºC. Për të përgatitur këtë byrek zgjedhim një tavë keku me formë në mes. Lyejmë tavën me yndyrë.
Djathin e bardhë, specat dhe djathin kaçkavall i preim në kubikë të vegjël. Kremviçet i presim hollë hollë në rrathë. Vendosim 2 tasa. Në njërin tas bashkojmë djathin e dhisë me specat e kuq ndërsa në tasin e dytë bashkojmë djathin kaçkavall me kremviçet.
Fillojmë të shtrojmë byrekun. Fillimisht shtrojmë 2 peta të rrudhosura duke lënë pjesën anësore të dalë jashtë tavës. Shpërndajmë mbi petë si shtresë të parë specat me djath dhie. I mbulojmë djathin me specat me 1 petë të rrudhur të cilën e spërkatim me vaj, vezë dhe dhe qumësht. Kjo përzierje e mban petën të butë. Pasi e spërkatim petën vendosim dhe një petë tjetër të rrudhosur dhe si shtresë të dytë për mbushjen shtrojmë kremviçet me kaçkavall. Pra formohen 2 shtresa me mbushje të ndryshme.
Mbulojme shtresën e dytë me një petë të rrudhosur. E spërkatim dhe vendosim petë tjetër përsëri të rrudhosur dhe vazhdojmë përsëri të shtrojmë djath me speca. Përsëri vendosim një petë, e spërkatim përsëri petën . shtrojmë djath dhe kremviçe dhe në fund vendosim një petë, mbështjellim anët e petëve dhe byreku merr formën e një keku.
E spërkatim dhe vendosim byrekun në furrë në temperaturën 200ºC për 30-35 minuta. Në fund e preasim dhe shërbejmë.
Receta e dytë: Fileto pule me qepë
Përbërësit:
3 fileto pule
Vaj ulliri
1 lugë gjelle gjalp
3 qepë mesatare
1 luge gjelle miell
1 dado pule
3 feta djath që shkrin
2 qepë të njoma
Kripë dhe piper i zi
Përgatitja:
Lajmë, thajmë filetot e pulës dhe i marinojmë ato me kripë e piper ose me 1 dado perimesh. Vendosim në tigan pak vaj e 1 lugë gjelle gjalp dhe sapo të shkrijë gjalpi vendosim filetot e pulës, i skuqim mirë ato nga të dy anët deri sa të marrin një ngjyrë të kuqerremë. I largojmë nga tigani dhe i lëmë mënjanë. Shtojmë në tigan dhe pak gjalpë e vaj dhe shtojmë në të qepën e prerë në rrathë. I skuqim deri sa ato të marrin një karameli. Shtojmë 1 lugë gjelle miell dhe e kaurdisim qepën dhe miellin sëbashku për 2 minuta. Shtojmë 500 ml ujë dhe 1 dado galina blanka pule . vendosim filetot e pulës dhe i lëmë të ziejnë për 15-20 minuta në temperaturë mesatare duke i lagur filetot herë pas here me lëngun dhe qepën.
Vendosim mbi secilën filetë nga një fetë djath që shkrin dhe e mbulojmë me kapak për 5 minuta. Gjithçka është gati për servirje. Kjo recetë mund të shoqërohet me pak pure patate ose oriz.
E shërbejmë duke e spërkatur sipër me qepë të njoma të prera në unaza.
Komente
