Lulzim Bashës i është dhënë mundësia që të shtrëngojë duart me ambasadorin e OSBE pas asaj që i bëri në dyert e shtëpisë. Por ai e ka refuzuar në mënyrën më të turpshme tryezën e Bernd Borchardt, duke u shprehur se nuk i ka ardhur ftesa me zarf ende. Edhe pse lajmi se OSBE fton çdo parti të interesuar për Reformën Zgjedhore kishte dy orë që ishte bërë publik. Së dyti, Basha vijoi fyerjet ndaj misionit duke u shprehur se kush mendon që kriza zgjidhet me tryeza, po sheh thjeshtë iluzione. Kjo, sa për të ilustruar sesi lidershipi i Partisë Demokratike nuk ka ndër mend të bëjë një ‘mea culpa’ për zullumet e para 30 Qershorit, qoftë edhe për shkarravinat në pallatet e ambasadorëve.
Sot, Damian Gjiknuri është vetëofruar të largohet nga Komisioni i Reformës Zgjedhore nëse është ai shkaku pse opozita e rrugës nuk ulet në tryezë. Ofertës së tij PD i është përgjigjur me Gazment Bardhin që kërkoi jo vetëm të largohej Gjiknuri, por edhe te burgosej. Dhe kjo, sa për të ilustruar sesi kërkesat e selisë blu sa vijnë e shtohen në numër dhe përmbajtje, vetëm për t’u ikur tryezave si djalli prej temjanit.
Në fakt, të gjitha refuzimet e Lulzim Bashës për dialog nuk lidhen vetëm me vullnetin, por mbi të gjitha me komplekset që i ka krijuar vetes. I etiketuar nga të tijët, edhe publikisht, si njeri i pazareve për pushtet, atij i duhet me doemos të shmangë çdo kontakt me mazhorancën. Qofshin ato me rëndësi të jashtëzakonshme për sistemin politik e shoqëror.
Problemi që Lulzim Basha nuk ka kuptuar ende është fakti që edhe pse jashtë Kuvendit, ai po vijon të përkëdhelet nga socialistët duke mos e formuluar tryezën pa të. Pra, po i jepet mundësia të propozojë një sistem të ri zgjedhor, një korrigjim themeltar të Kodit aktual e shumë të tjera si këto, që kryeopozitari po i refuzon orët e fundit.
Emrat që i rrinë në krah dhe i kujtojnë 17 majin e dy viteve më parë, janë treguesit sesa i dobët është Basha si lider opozite. Aq sa dialogun për reformën zgjedhore e mban pezull vetëm prej komplekseve apo çoroditjeve që ka brenda koalicionit.
Komente
ZOYRI.JU MERRENI ME LULIN DHE MIRE BENI.POR LULIN NUK E LEJON SALIU TE BEJE ASNJE HAP PARA.OSE PUSHTET NE TAVONINE,OSE TE IK RANA,OSE LUFTE CIVOLE. -POR DHE PO IKU RAMA..SALIU DO NXJERR YÇKLA TE TJERA SA TI DOJ QEJFI. -SALIU PO TALLET EDHE ME SHBA+BE.DHE MIR UA BEN.PASI ATA E SHPETUAN NGA BURGU NE 97,98.DHE SALIU NDAJ NUK IKEN NGA POLITIKA.AI I MERR URDHRAT NGA LINDJA,JUGU E KO..PER TE SHFARROSUR VENDIN.PIKE.
Përgjigju