Pas skandalit seksual të regjisorit Harvey Weinstein e cila tronditi botën, edhe regjisori i “The Fast and the Furious”, Rob Cohen është akuzuar ditën e sotme nga aktorja dhe regjisorja Asia Argento. Ajo ka akuzuar Cohen, për agresion seksual. Argento u shpreh për mediat se Cohen e kishte përdhunuar pasi e kishte detyruar të konsumonte më parë një lloj droge. Argento ka qenë një nga aktivistet më të mëdha të lëvizjes Metoo, e krijuar pas zbulimit të skandaleve të Harvey Weinstein. Një zëdhënës i regjisorit Cohen, e konsideroi pretendimin e Argentos si të rremë e madje shokues.
Argento pretendon se agresioni ka ndodhur ndërsa po xhirohej filmi aksion xXx në 2002 me Vin Diesel dhe Samuel L. Jackson.
“Në atë kohë, unë nuk e dija ekzaktësisht se çfarë kishte ndodhur. U zgjova në mëngjes e zhveshur, në krevatin e tij”, tha Argento për Corriere Della Sera.
Akuzat, janë përfshirë edhe në autobiografinë e Argentos, Anatomy of a Wild Heart, që do të publikohet në Itali më 26 janar. Kjo nuk është hera e parë që Cohen akuzohet. Në 2019 ai u akuzua në shtyp për agresion seksual ndaj një viktime, emri i të cilës nuk u bë publik, madje edhe e bija Valkyrie Weather, e ka akuzuar më parë se ai e kishte ngacmuar kur ajo ishte fëmijë.
Komente
o kazan weinstein nuk esht regjizor por produktor dmth ai qe jep parate per prodhim filmi
Përgjigju