Sali Berisha insiston se ka logon e PD dhe thotë se Gjykata i ka dhënë të drejtë por hedh akuza se vendimi po mbahet peng nga Edi Rama.
“Ju kërkoj të keni të qartë se për Shqipërinë dhe cdo vend anëtar të Këshillit të Europës, gjykata ka vendosur për PD. Në vendet jodiktatoriale, regjistrimi i cdo force politike e cdo shoqate bëhet në gjykatë, në vednet e tjera bëhet në ministri. Kalimi dhe regjistrimi në gjykatë është garanci e forcave politike për pavarësinë e tyre nga establishment. Gjykata ka vendosur dhe cdo njeri që ka të qartë këtë rregull elementar e ka të qartë se gjykata vendosi për PD të Rithemeluar më 11 dhjetor. Asgjë në botë vec vullnetit të sëmurë të Edi Ramës nuk mund të ndalonte regjistrimin e partive politike. Rama mban peng vendimin e gjykatës. Ne jemi paq me gjykatën.
Vendimi i gjykatës për një parti është një check up i dokumentacionit dhe parimeve nëse përputhet me Kushtetutën. Ke ti objeksione që këto janë fals, në cdo vend të botës shkon dhe hap një proces tjetër, por palë në këtë proces s’mund të bëhesh kurrë. Sepse nëse vendosim këtë praktikë ti rrëzon cdo vendim gjyqësor. Këtu gjithcka është politike dhe ne do japim zgjidhjen që meriton. Revolucion”, tha Berisha.
Lajmi kryesor:
Zgjedhjet e 14 majit, Berisha: E kemi logon e PD, revolucion nëse gjykata s'na e jep! Salianji nuk vendoset kreu i grupi pa votim! Arrestimet te ‘Financat’ mund të jenë dhe kurth
//ReportTv.al