Të ardhurat doganore kanë shënuar rekord historik duke ju afruar vlerës prej 1.9 miliardë dollar për vitin 2021 duke tejkaluar planin dhe rekordin e mëparshëm të vitit 2019.
Sipas një njoftimi të Drejtorisë së Doganave të dhënat zyrtare tregojnë se të ardhurat për vitin 2021 janë realizuar në masën 193.2 miliardë lek nga 169.05 miliardë lekë të planifikuara ose rreth 24.1 Miliardë lek(rreth 240 milionë USD) me tejkalim të planit.
Analiza e faktorëve sipas modelit të Harvardit, tregon që të ardhurat për vitin 2021 janë kryesisht si pasojë e mirëadministrimit në zhdoganimin e sasive të rritura të importeve dhe rritjes së çmimeve në tregjet ndërkombëtare.
"Sipas Modelit, në krahasim me rritjen totale të fluksit të importit rritja e të ardhurave nga çmimet rritura të importit zë vetëm 21% të rritjes totale të vlerës statistikore, ndërkohë që 79% e rritjes së te ardhurave vjen si rrjedhoje e miradministrimit ndërkohë që duhet të mbahet në konsideratë efekti negativ me mbi 3 Mld lek të ardhura nga rënia e kursit të këmbimit të euro/usd ndaj lekut.
Sipas Modelit, në krahasim me rritjen totale të fluksit të importit rritja e të ardhurave nga çmimet rritura të importit zë vetëm 21% të rritjes totale të vlerës statistikore, ndërkohë që 79% e rritjes së te ardhurave vjen si rrjedhoje e mireadministrimit ndërkohë që duhet të mbahet në konsideratë efekti negativ me mbi 3 Mld lek të ardhura nga rënia e kursit të këmbimit të euro/usd ndaj lekut. Duhet vlerësuar se Janar-Dhjetor 2021 ka realizmin më të lartë të çdo 12-mujor në historinë e doganave, duke kaluar edhe të ardhurat e 12-mujori të vitit 2019". thuhet në njoftim.
Faktorët kryesorë që kanë ndikuar tek çdo taksë, krahasuar me një vit më parë:
Taksa Doganore + 1.2 Mld lek më shumë nga rifillimi i importit të mallrave me origjinë jashtë BE
Akciza, në total +7.1 Mld lek që ka ardhur përgjithësisht nga: rritja e importit të karburantit me +3.4 Mld, rritja e importit të cigareve me +2.7 Mld, Birrës me rreth 230 Mln lek, etj…
TVSH krahasuar me 12-mujorin 2020 ka dhënë rreth 30.8 Mld lek më shumë, e stimuluar kryesisht nga:
+4.5 mld Lek rritja e Energjise elektrike
+4 mld Lek rritja e Karburantit të importit
+4 Mld lek rritja e konsumit të mallrave të konsumit të përditshëm.
+3.2 Mld lek rritje nga importi i metaleve bazë.
+1.8 Mld lek rritje e importit të automjeteve të përdorura.
+1.3 Mld lek Gaz i lëngshëm
+1 Mld lek Plastika dhe artikujt e saj
+1 Mld lek rritje e importit të veshje, tekstile.
+840 Mln Lek Konstruksionet metalike
+730 Mln lek Ushqimet e pregatitura
+620 Mln lek Cigaret,, etj….
Renta +649 Milion lek për shkak të efektit të kombinuar midis rritjes së sasisë së eksportuar të naftës bruto me rreth 30,000 ton dhe gati dyfishimit të cmimit ndërkombetar mesatar 12-mujor. Rrëth 40 Mln lek plus janë siguruar nga mineralet e tjera.
Të njëjtën ecuri kanë edhe mallrat e akcizës në XII M Janar-Dhjetor, në konsum, për periudhen 2016-2021 ku ndikimin kryesor e kanë dhënë karburantet që kanë shënuar rekordin historik të 638 mijë e 643 tonë, ose rreth 87 mijë tonë më shumë se viti kaluar.
K.T./ReportTv.al