Një herë në dy vjet shfaqet Xherdan Shaqiri. 32 vjeçari që luan për Zvicrën shënon gjithmonë në kompeticionet e mëdha, qofshin këto Botëror apo Europian. Shaqiri në këto evenimente nuk di të shënojë thjesht po shënon supergola siç ishte ai i barazimit në ndeshjen Skoci-Zvicër.
Futbollisti me origjinë shqiptare shënoi mbrëmë ndaj Skocisë një gol fantastik që e bëri atë rekordmen.
Shaqiri bëhet i pari futbollist që shënon në 6 kompeticione të mëdha radhazi, në tre Europianë e në tre Botërorë.
Shaqiri e ka nisur këtë histori të bukur që me Botërorin e vitit 2014-të ku ka shënuar golin e parë. E ka vazhduar më pas në çdo kompeticion pasardhës për të mbërritur deri tek sfida e Euro 2024 ku e nisi edhe titullar.
Shtatshkurtri bëhet po ashtu i pari futbollist që aktivizohet në kampionatin amerikan dhe shënon në një Europian .
”Kam lindur për kompeticione të mëdha. Nuk është hera e parë që shënoi gola kaq të bukur”, ka thënë Shaqiri me buzëqeshjen e stampuar në fytyrë pas sfidës me Skocinë.
Përgatiti: Andi Kapxhiu
Komente
Edhe ne 2026 mund te beje nje gol
Përgjigju