Dy persona janë arrestuar pasi në bashkëpunimi me njëri tjetrin mashtronin për të përfituar kredi nga subjektet financiare që ofronin mikrokredi. Të arrestuarit Shahije Rroshi, 25 vjeçe dhe Leonard Allushi, 27 vjeç, të dy banues në Tiranë, kishin krijuar një skemë mashtrimi, me anë të së cilës rekrutonin persona të ndryshëm, kundrejt shpërblimit, duke i pajisur me dokumente të dyshuara të falsifikuara, për të bërë të mundur përfitimin e mikrokredive nga institucionet financiare.
Dy të rinjtë u arrestuan gjatë operacionit të koduar “Fraud 2" e organizuar nga Seksioni për Hetimin e Krimit Ekonomik dhe Financiar.
Prokuroria vijon hetimet për identifikimin dhe vënien para drejtësisë edhe të personave të tjerë të përfshirë në këtë skemë mashtrimi.
Materialet i kaluan Prokurorisë pranë Gjykatës së Shkallës së Parë Tiranë, për veprat penale “Falsifikim i dokumenteve”, “Mashtrimi” dhe “Mashtrim me kredi”.
