Grupe të Ndërhyrjes së Shpejtë në mbështetje të RENEA-s, gjithsej 60 efektivë me 10 makina kanë zbarkuar në qytetin e Elbasanit duke ushtruar kontrolle të rrepat në dy biznese në lagjen 'Sule Paprri'. Burime për Report Tv bëjnë me dije se njëri prej bizneseve operonte në fushën e 'Policisë Private'.
Gjatë kontrollit nga ana e policisë njëri prej bizneseve ka kundërshtuar me forcë dhe nuk ka hapur derën që të kryhej kontrolli. Gazetari i Report Tv, Aldo Kozarja bën me dije se është dashur ndërhyrja e forcave zjarrfikëse të Elbasanit për të hapur derën e këtij biznesi.
Prej disa ditësh në Elbasan po kryhen kontrolle të njëpasnjëshme për goditjen e grupeve kriminale. Policia po vepron me lista me emra të personave të shpallur në kërkim dhe personave të tjerë që kanë lidhje me këto grupe.
Komente
