Akuzat penale po konsiderohen si pjesë e hetimit për rënien e teleferikut ku 14 presona humbën jetën të dielën, në Italinë veriore. Gjatë një bisede ditën e hënë me gazetarët, prokurorja kryesor Olimpia Bossi tha se hetimi mbi ngjarjen tragjike do të përqendrohet te arsyeja e këputjes së kabllos dhe pse frenat e sistemit të teleferikut nuk funksionuan.
“Kablloja ishte në tokë, e prishur. Frenat e sistemit të sigurisë nuk funksionuan. Përndryshe, kabina do të kishte ndaluar. Pra, këto janë faktet, por arsyeja pse ajo gjë ndodhi është nën hetim,” – tha Bossi, për The Associated Press.
Në këtë moment hetimi për vrasje të shumëfishtë dhe dëmtime të rënda nga pakujdesia mbetet një pistë, por prokuroria po vlerëson hipotezën e një katastrofe për shkak të mungesës së sigurisë në mjetet e transportit.
Në orët e para pas incidentit, janë ngritur shqetësime mbi sigurinë e infrastrukturës së transportit të Italisë.
Ministria e Transportit të vendit deklaroi se sistemi i teleferikut ishte rinovuar në gusht të vitit 2016, i ishte bërë një kontroll i plotë i mirëmbajtjes në 2017-tën dhe vitin e kaluar ishin kryer disa inspektime të mëtejshme.
“Vetë kabllot ishin kontrolluar në nëntor dhe dhjetor 2020,” – tha ministria e Transportit në Itali.
Ndërkaq, ministri i Infrastrukturës, Enrico Giovannini njoftoi se do të kishte një hetim mbi incidentin, së bashku me hetimin nga zyra e prokurorit.
Megjithatë gjetja e përgjegjësit nuk është një mision i lehtë, në njërën anë mund të jetë përgjegjëse mund të jetë komuna, rajoni apo vetë kompania që kreu rinovimin në 2016, kompania që certifikon çdo vit funksionalitetin e strukturave të teleferikut dhe kalon raportet në Ministrinë e Infrastrukturës, ajo që merret me mirëmbajtje të zakonshme dhe të jashtëzakonshme dhe së fundmi, operatorët që po punonin në kohën e aksidentit.
Prokurori është i vetëdijshëm se "do të duhet shumë kohë për të sqaruar çdo aspekt të tragjedisë". Edhe vetëm për vështirësitë e rikuperimit të mbetjeve të kabinës që janë në një zonë të paarritshme dhe lejojnë ekzaminimet e teknikëve. "Ne - siguron ai - do të përpiqemi të japim një përgjigje të plotë sa më shpejt të jetë e mundur".
Komente
