Ulja e temperaturave ka sjellë nevojën për aktivizimin e sistemeve të ngrohjes në shkolla. Në Lezhë institucionet me përqendrim të madh të nxënësve kanë ngrohje qendrore dhe vetëm në fshatra përdoret ngrohja me dru.
Tenderimet për të siguruar bazën e nevojshme për shkollat me ngrohje qendrore janë bërë që në stinën e verës, ndërsa drutë e zjarrit janë siguruar nga ndërmarrja e shërbimeve si edhe nga sekuestrimi nga prerja e paligjshme e pyjeve, duke plotësuar të gjithë nevojat.
Drejtori i Arsimit në Bashkinë Lezhë, Nikolin Shtjefni thotë se edhe kaldajat që kanë që kanë patur probleme qe në vendosjen e tyre janë rikthyer në pune dhe është zgjidhur edhe mirëmbajtja e Tyre.
Në Lezhë numërohen në total 58 godina arsimore, 8 me ngrohje qendrore, 6 me kondicionere dhe 44 janë me ngrohje me dru zjarri, ku asnjëra prej tyre nuk do të ketë probleme me ngrohjen.
Komente
