Qeveria i hap rrugë importit të disa mbetjeve jo të rrezikshme dhe që janë burim alternativ që do përdoren nga industri të caktuara në vend. Ministria e Turizmit dhe Mjedisit ka hedhur për konsultim publik draftin, për të cilin “Shqiptarja.com” raportoi ekskluzivisht në muajin Maj të këtij viti.
Kërkesa për këto ndryshime ishte bërë vite më parë nga vetë kompanitë industriale, teksa pas konsultimeve është vendosur që të hartohet një listë.
Parashikohet të lejohet importi i disa kategorish mbetjesh të konsideruara jo të rrezikshme. Lista e mbetjeve propozohet nga Ministria e Turizmit dhe Mjedisit dhe do të miratohet nga Këshilli i Ministrave pas konsultimeve publike.
Në Nenin 73 parashikohet zëri “Importi i Mbetjeve” me dy pika, ku theksohet se është i ndaluar dhe më poshtë detajohet se “lejohen të importohen vetëm disa kategori të caktuara”. Për listën e drejta është e ministrit të Turizmit dhe Mjedisit, si dhe “caktohen rregullat që duhen zbatuar”.
Në Nenin 74 përshkruhet edhe rregulli për “kalimin e mbetjeve jo të rrezikshme si tranzit”.
Lejimin e importit të mbetjeve “Report Tv”, e ka trajtuar ekskluzivisht në muajin Maj, asi kohe nisën diskutimet me industrinë prodhuese për t'i hapur rrugë mbetjeve jo të rrezikshme, që do mund të përdoren si lëndë djegëse nga industria.
Me këtë projektligj të ri shfuqizohet plotësisht ligji i vitit 2011, ku importi i mbetjeve ishte i lejuar vetëm për inerte.
Kategoritë e mbetjeve që pritet të lejohet të importohen, do të jenë pjesë e Listës se Gjelbër të BE, që nuk konsiderohen të rrezikshme, të tilla si mbetje kartoni, letre, alumini, hekuri, mbetjet plastike, mbetje plumbi, mbetje zinku, mbetje industriale apo mbetje mjekësore.
Neni 73 Importi i mbetjeve
1. Në territorin e Republikës së Shqipërisë, ndalohet:
-importi i mbetjeve të rrezikshme;
-tranzitimi i mbetjeve të rrezikshme;
2. Ndalohet importi i mbetjeve jo të rrezikshme për qëllim ruajtjeje ose asgjësimi në Republikën e Shqipërisë.
3. Në territorin e Republikës së Shqipërisë lejohen të importohen, vetëm disa kategori të caktuara mbetjesh jo të rrezikshme, përveç atyre të përcaktuara në pikat 1 dhe 2 të këtij neni, pas miratimit të kërkesës për import me Vendim të Këshillit të Ministrave.
4. Këshilli i Ministrave me propozim të Ministrit miraton listën e mbetjeve jo të rrezikshme të cilat lejohen të importohen në Republikën e Shqipërisë si dhe rregullat për zbatimin e këtij neni.
Një pjesë nga projektligji i hedhur për diskutim
(Kliko këtu për të lexuar dokumentin e plotë) Projektligji i hedhur për diskutim
A.Q//ReportTv.alKomente
Be spo dime ku te cojme ato qe na ktheu mbrapsht Tajlanda, jo me te importojme!
PërgjigjuSi duhani ne 90-ten. Thjesht radioactiv,por jo i rrezikshem.
PërgjigjuKëtu nuk kontrollohen ato që hamë e jo kontrollohen plerat,mblidhni plera o plera .
PërgjigjuPo vijne nga tajlanda! Prap votoni veshgjatin ! Ehaaa
PërgjigjuSi u nis anija me urdher te kujt
PërgjigjuO njerez duhet te ngrihemi te gjithe bashke kunder sjelljes se mbeturinave sepse vendi jone do te shkaterrohet totalisht , ne nuk jemi ne gjendje te menaxhojme mbeturinat tona dhe jo te sjellin nga jashte , ketu do te sjellin vetem ato mbeturina qe jane toksike sepse nese jane te parrezikeshme perse ato vendet nuk i sistemojne vete atje ku i kane por nuk eshte e vertete sepse do na helmojne vendin me mbetje industriale toksike
PërgjigjuMbeturinat tona janë që Tajlanda nuk i pranoj o Turi.