Kronikë

Report Tv siguron pamjet/ Ja si u grabit pika e karburantit në Novoselë të Vlorës

Në datën 8 shkurt një pikë karburantit u bë pre e dy grabitësve në Novoselë të Vlorës. Report Tv ka siguruar pamjet e momentit të grabitësve të cilët nën kërcënim se do të vrisnin punonjësin e karburantit arrijnë të marrin një shumë prej 30 mijë lekë të ri.

11 Shkurt 2019, 13:44| Përditesimi: 11 Shkurt 2019, 15:32

  • Share

Tre ditë më parë një pikë karburanti në afërsi të Novoselës u bë pre e grabitësve. Report Tv ka siguruar pamjet e momentit ku dy persona afrohen kabinës së punonjësit të karburantit duke e kërcënuar se me vete kishin armë dhe do ta qëllonin nëse nuk i jepte paratë.

Ngjarja është regjistruar rreth orës 03:32 minuta të datës 8 shkurt ku dy autorët afrohen tek kabina dhe fillimisht shikojnë që punonjësi është në gjumë, sapo ai zgjohet, hajdutët largohen me vrap.

Ata kthehen sërish dhe godasin xhamin e kabinës ku rrinte punonjësi duke e thyer dhe më pas duke e kërcënuar i marrin një shumë parash prej 30 mijë lekësh.

Policia e Vlorës ka shoqëruar disa persona, por akoma nuk ka arritur të konfirmojë se cilët janë autorët e grabitjes së karburantit.

Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?