TIRANË- Si në asnjë prej raporteve vjetorë më parë, Prokuroria e Posaçme Kundër Korrupsionit dhe Krimit të Organizuar e radhit presionin politiko-mediatik mes 10 shqetësimeve serioze për të cilat kërkon zgjidhje në dokumentin e dorëzuar në Kuvend.
“Presioni i jashtëm ndaj SPAK nga krimi i organizuar, aktorët politikë dhe medatik, i cili cënon pavarësinë kushtetuese dhe efektivitetin në hetime. Ndërhyrjet e jashtme, rrezikojnë gjithashtu integritetin e prokurorëve dhe të procesit hetimor. Për të garantuar pavarësinë e SPAK-ut, si dhe mbështetje për prokurorët në çështje të ndjeshme, nevojitet një reagim më i koordinuar dhe në kohë i të gjitha institucioneve, të cilat kanë përgjegjësinë e mbrojtjes së integritetit të SPAK.”
Në raportin 109 faqësh, SPAK risjell shqetësimin e prokurorëve se çfarë do të ndodhë me ta pasi tu përfundojë mandati 5-vjeçar në këtë institucion, kur vetë ata i kanë kërkuar Kuvendit mundësinë që të rikandidojnë.
“Vijimi i mungesës së përcaktimit të qartë ligjor në lidhje me statusin e prokurorëve të posaçëm pas përfundimit të mandatit të tyre. SPAK konstaton se, kjo problematikë nuk është adresuar ende dhe thekson se mos përcaktimi i qartë i këtij statusi mund të cenojë vijimësinë e ruajtjes së standardeve të larta profesionale të hetimit, të kërkuara nga publiku, Kuvendi, Këshilli i Ministrave dhe institucionet ndërkombëtare. Siç është nënvizuar edhe në raportin vjetor të SPAK për vitin 2023, nga mungesa e një statusi të qartë të prokurorëve të posaçëm do të cenohej gjithashtu dhe vazhdimësia e hetimeve të rëndësishme të kryera nga SPAK”, thuhet në raport.
Ky shqetësim i nënvizuar nga Prokuroria e Posaçme, vjen në një kohë kur të dy kampet kryesorë të politikës e vendosën në shënjestër SPAK, sidomos gjatë procesit për Berishën, Metën dhe Veliajn. Sulmet e forta ndaj SPAK-ut apo prokurorëve të veçantë të tij, shënuan një rekord në fund të vitit 2024, por më pas u përkthyen me një gjuhë më të butë, sidomos nga partia në pushtet.
Prokuroria e posaçme ankohet gjithashtu për numrin e ulët të këshilltarëve ligjorë, apo për faktin se institucionet, kryesisht policia, bëjnë pak referime pranë SPAK. Mes një sërë çështjesh që kërkojnë ndërhyrje ligjore nga Kuvendi apo qeveria, SPAK ka si shqetësim të 10-të, mosekstradimin e shqiptarëve të lokalizuar apo arrestuar në Emiratet e Bashkuara Arabe.
Në raport thuhet se “lufta kundër krimit të organizuar edhe për këtë vit, krahasuar me vitin paraardhës, ka shënuar arritje të rëndësishme me një rritje prej rreth 18,8% të regjistrimeve të këtyre procedimeve penale. Po kështu, është rritur edhe numri i personave të cilët janë nën hetim për këto procedime me rreth 21,6%, krahasuar me vitin 2023. Nga ana tjetër, ka një rënie me rreth 7,3% të çështjeve të dërguara për gjykim për shkak të volumit dhe kompleksitetit të tyre"
Për sa i përket luftës kundër korrupsionit, Prokuroria e Posaçme ka ndjekur një qasje aktive duke hetuar një numër të konsiderueshëm zyrtarësh të lartë. Gjatë vitit 2024, rezultojnë të jenë nën hetim 33-ish zyrtarë të lartë (ku dy prej tyre janë të regjistruar në dy procedime të ndryshme secili), nga të cilët 19 zyrtarë janë dërguar në gjykatë me kërkesë për gjykim, që përfaqëson 52,9% të rasteve.
SPAK thotë në raport se janë sekuestruar 2.8 mld lekë dhe u konfiskuan 938 mln lekë e 27 mln euro. Në total, gjatë vitit që lamë pas u përgjuan 3 mijë e 96 telefona. Në raport thuhet se nuk ka pasur dekonspirim.
“Gjatë vitit 2024, Prokuroria e Posaçme ka përdorur metodën e përgjimit për 163 procedime penale ku janë interceptuar 3096 pajisje fundore (pajisja/numri telefonik i subjektit ne përgjim). Krahasuar me vitin 2023, numri i pajisjeve fundore të interceptuara është 7,1% më i ulët (3335 pajisje fundore të interceptuara gjatë vitit 2023). Për vitin 2024 janë ekzekutuar 2046 vendime gjykate, e cila shënon një rritje në masën rreth 22,6% (në krahasim me 1669 vendime gjykate për vitin 2023).
Hetimet pasurore dhe financiare janë konsideruar prioritet i Prokurorisë së Posaçme, qasje e cila është reflektuar edhe në rritjen e vlerës së aseteve të sekuestruara dhe konfiskuara gjatë vitit 2024, në vlerën prej rreth 65,5 milion euro. Prej tyre, vlera e pasurive të sekuestruara është në shumën rreth 28,7 milion euro, ndërkohë që për pasuritë e konfiskuara kjo vlerë arrin në shumën rreth 36,8 milion euro. Kështu vëllimi i aseteve të sekuestruara zë rreth 43,8% të vlerës totale, ndërsa pasuritë e konfiskuara zënë rreth 56,2% të vlerës totale. Krahasuar me vitin 2023, vihet re një rritje në masën rreth 59,7% e vlerës totale të pasurive të sekuestruara dhe të konfiskuara (rreth 65,5 milion euro në vitin 2024, kundrejt rreth 41 milion euro në vitin 2023)”, thuhet në raport.
Kliko këtu për të lexuar dokumentin e plotë Raportin e SPAK për 2024
SPAK ditën e sotme publikoi raportin vjetor për vitin 2024, ku është publikuar dhe lista e pasurive të konfiskuara.
Pasuritë e konfiskuara janë: 17 pasuri të paluajtshme, vlera monetare të konfiskuara në Lekë, Euro dhe Dollar, 395.000 Lekë, 38.000 Euro, pasuri te luajtshme të konfiskuara, 2 pasuri të luajtshme, subjekte tregtare të konfiskuara. Po ashtu, 7 subjekte tregtare, nga të cilët 6 subjekte tregtare të sekuestruara plotësisht dhe ku përkatëse të personave të pandehur për 1 subjekt tregtar.
Sipas raportit, pasuritë e konfiskuara sipas Kodit Penal të Republikës së Shqipërisë vlerësohen rreth 27,202 Euro dhe 510.825.564 Lekë.
Sipas raportit të SPAK, gjatë vitit 2024 kishte arritje edhe ndaj krimit të organizuar. Në raport, SPAK rendit edhe disa problematika që duhen adresuar, ku shqetësim kryesor thuhet se është presioni nga krimi dhe politika.
“Lufta kundër krimit të organizuar edhe për këtë vit, krahasuar me vitin paraardhës, ka shënuar arritje të rëndësishme prej rreth 18,8% të regjistrimeve të këtyre procedimeve penale. Po kështu, është rritur edhe numri i personave të cilët janë nën hetim për këto procedime me rreth 21,6%, krahasuar me vitin 2023. Nga ana tjetër, ka një rënie me rreth 7,3% të çështjeve të dërguara për gjykim për shkak të volumit dhe kompleksitetit të tyre.
Presioni i jashtëm nga krimi i organizuar, aktorë politikë dhe mediatik, i cili cenon pavarësinë e tij kushtetuese dhe efektivitetin në hetime. Ndërhyrjet e jashtme rrezikojnë gjithashtu, integritetin e prokurorëve dhe të procesit hetimor. Për të garantuar pavarësinë e SPAK-ut, si dhe mbështetje për prokurorët në çështje të ndjeshme, nevojitet një reagim më i koordinuar dhe në kohë i të gjitha institucioneve, të cilat kanë përgjegjësinë e mbrojtjes së integritetit të SPAK”, thuhet në raport.
Në raport SPAK thekson se përgjatë 2024-ës vuri nën hetim 33 ish-zyrtarë të lartë. Ndër të tjera, SPAK bën me dije se janë identifikuar 16 organizata kriminale me rrezikshmëri të lartë shoqërore, ku prej tyre janë shkatërruar rreth 10.
“Për sa i përket luftës kundër korrupsionit, Prokuroria e Posaçme ka ndjekur një qasje aktive duke hetuar një numër të konsiderueshëm zyrtarësh të lartë. Gjatë vitit 2024, rezultojnë të jenë nën hetim 33-ish-zyrtarë të lartë, nga të cilët 19 janë dërguar në gjykatë. Sipas vlerësimit të brendshëm të SPAK, janë identifikuar rreth 16 grupe kriminale me rrezikshmëri të lartë shoqërore, të cilat janë të mbështetur në lidhje familjare dhe miqësore dhe janë të përfshirë edhe në tregjet ndërkombëtare kriminale, kryesisht në trafikun e kokainës. Këto grupe janë aktive në qarqet e Tiranës, Durrësit, Shkodrës, Kukësit, Lezhës, Elbasanit dhe Vlorës. SPAK ka arritur të provojë me sukses 10 prej këtyre grupeve kriminale me aktivitete kriminale në disa qytete të vendit si Tiranë (3); Durrës (2); Elbasan (2); Shkodër (1), Lezhë (1) dhe Kukës (1).
Nga veçoritë dalluese të këtyre grupeve kriminale është struktura e tyre hierarkike, ndarja e roleve, përfshirja në anëtarësinë e tyre të përfaqësuesve të gjyqësorit, prokurorisë, policisë së shtetit, medias dhe botës akademike. Disa tipare të tjera të veçorive të këtyre grupeve janë përdorimi i komunikimeve të koduara si SKY ECC dhe pastrimi i parave nëpërmjet kriptovalutave”, thuhet në raport.
SPAK ka publikuar raportin vjetor për 2024, ku evidenton ekzistencën e 16 organizatave kriminale me rrezikshmëri të lartë në Shqipëri.
Këto grupe, të cilat janë të angazhuara kryesisht në trafikun e kokainës dhe të lidhura me rrjetet ndërkombëtare të krimit, funksionojnë mbi baza familjare dhe shoqërore. Ato operojnë kryesisht në qarqet e Tiranës, Durrësit, Shkodrës, Kukësit, Lezhës, Elbasanit dhe Vlorës.
Sipas raportit, SPAK ka arritur të dokumentojë aktivitetin kriminal të 10 prej këtyre grupeve, të cilat vepronin në disa qytete të vendit. Grupet përdorin teknika të avancuara, si komunikime të koduara në platforma si SKY ECC dhe pastrimin e parave përmes kriptovalutave. Ato kanë depërtuar në sektorë kyç të shoqërisë, përfshirë institucionet e drejtësisë, organet e rendit, mediat dhe akademinë.
Dokumenti thekson se organizatat kriminale shqiptare vazhdojnë të jenë aktorë të rëndësishëm në trafikun ndërkombëtar të drogës, veçanërisht në vendet e Bashkimit Evropian. Prania e tyre është e fuqishme në shtete si Italia, Spanja, Belgjika, Holanda, Franca, Gjermania, Zvicra, Norvegjia dhe Mbretëria e Bashkuar. Këto rrjete kanë vendosur kontakte të drejtpërdrejta me burime të kokainës në Amerikën Latine, si Bolivia, Meksika, Peruja, Ekuadori dhe Paraguai, ndërsa transporti i lëndëve narkotike kryhet përmes porteve kryesore evropiane si Roterdami, Antwerp, Algeciras, Pireu dhe gjithashtu përmes Durrësit dhe Tivarit në Ballkan.
Përveç trafikut të drogës, grupet shqiptare janë të përfshira edhe në aktivitete të tjera të paligjshme, megjithëse në shkallë më të vogël, si kontrabanda e njerëzve dhe krimi kibernetik, duke operuar kryesisht në tregjet e BE-së, Mbretërisë së Bashkuar dhe Shteteve të Bashkuara. Një numër i konsiderueshëm i drejtuesve të këtyre grupeve janë vendosur në Dubai, duke e përdorur këtë qendër financiare si një bazë për aktivitetet e tyre kriminale.
SPAK ka raportuar gjithashtu një rritje të numrit të çështjeve të hapura për trafik droge nga organizata të strukturuara kriminale gjatë vitit 2024. Sipas të dhënave, janë regjistruar 35 raste të reja, me po aq individë të vënë nën hetim.
Në total, duke përfshirë rastet e mbartura nga viti i mëparshëm, numri i çështjeve të hetuara për këtë vepër penale ka arritur në 124, me 72 persona të përfshirë. Ndërkohë, gjatë këtij viti janë dërguar për gjykim pesë raste, ku janë përfshirë 33 të pandehur.
Krahasuar me vitin 2023, hetimet për trafik droge nga grupe kriminale kanë shënuar një rritje prej 3.3%.
Prokuroria e Posaçme e konsideron luftën kundër trafikut të drogës një prioritet dhe synon hetime të thelluara për të çmontuar këto rrjete kriminale.
“Gjatë vitit 2024, janë regjistruar 35 çështje për trafik droge nga grupe të strukturuara kriminale, me 35 persona të vënë nën hetim. Në total, për këtë vepër penale janë në shqyrtim 124 raste me 72 të dyshuar. Gjatë këtij viti, pesë çështje me 33 të pandehur janë dorëzuar në gjykatë.
Në krahasim me vitin 2023, numri i rasteve të hetuara për trafik droge nga organizata kriminale është rritur me 3.3%, duke kaluar nga 120 çështje në 124 në vitin 2024,” thuhet në raport.
SPAK ka publikuar raportin vjetor për luftën kundër korrupsionit, duke evidentuar një rritje të ndjeshme të çështjeve dhe personave nën hetim gjatë vitit 2024.
Sipas raportit, janë 33 ish-zyrtarë të lartë kanë qenë objekt hetimi, ku 19 prej tyre janë dërguar në gjykatë me kërkesë për gjykim, që përfaqëson 52.9% të rasteve.
Krahasuar me 2023, SPAK ka regjistruar 483 çështje nën hetim, një rritje prej 8% nga 447 një vit më parë, 257 persona nën hetim, një rritje prej 20% nga 212 në 2023, 41 çështje të dërguara për gjykim, një rritje prej 8% nga 38 vitin e kaluar
“Për sa i përket luftës kundër korrupsionit, Prokuroria e Posaçme ka ndjekur një qasje aktive duke hetuar një numër të konsiderueshëm zyrtarësh të lartë. Gjatë vitit 2024, rezultojnë ish – 33 zyrtarë të lartë nën hetim (ku dy prej tyre janë të regjistruar në dy procedime të ndryshme secili), nga të cilët 19 zyrtarë janë dërguar në gjykatë me kërkesë për gjykim. Nga numri total i ish-zyrtarëve të lartë nën hetim, 19 prej tyre janë dërguar në gjykatë, që përfaqëson 52,9% të rasteve.
Lidhur me volumin e çështjeve nën hetim për veprat penale në fushën e korrupsionit, gjatë vitit 2024, Prokuroria e Posaçme ka shënuar një rritje me rreth 8% krahasuar me vitin paraardhës (nga 447 çështje nën hetim për vitin 2023 në 483 çështje nën hetim për vitin 2024). Po kështu, është rritur me rreth 20%, edhe numri i personave të cilët që kanë qenë nën hetim për vitin 2024 në krahasim me ata të vitit paraardhës (nga 212 persona nën hetim në vitin 2023, në 257 persona nën hetim në vitin 2024). Rritje në masën rreth 8% ka shënuar gjithashtu, edhe numri i hetimeve të përfunduara dhe të dërguara për gjykim në krahasim me vitin 2023 (nga 38 në vitin 2023, në 41 në vitin 2024)”, thuhet në raport.
Vlera e aseteve të sekuestruara dhe konfiskuara për vitin 2024 nga SPAK, përllogaritet në vlerën afërsisht prej 65,5 milion euro. Këtu përfshihet vlera e aseteve të sekuestruara dhe konfiskuara në kuadër të Ligjit Anti-Mafia, Kodit Penal dhe Aktit Normativ (OFL). Nga totali rreth 36,8 milion euro është vlera e aseteve të konfiskuara dhe rreth 28,7 milionë euro është vlera e aseteve të sekuestruara.
Në raportin e SPAK për vitin 2027, thuhet se vlera e pasurive të sekuestruara ka shënuar një rritje të ndjeshme në vitin 2024, prej rreth 47%, konkretisht nga 1.9 miliardë lekë në vitin 2023, në vlerën rreth 2.8 miliardë lekë në vitin 2024.
Për sa i përket pasurive të konfiskuara gjatë vitit 2024, edhe pse evidentohet rënie e numrit të pasurive të konfiskuara, nga ana tjetër evidentohet një rritje e ndjeshme e vlerës në lekë/euro të pasurive të konfiskuara krahasimisht me vitin 202325
Konkretisht vlera e pasurive të konfiskuara gjatë vitit 2024, është në vlerën rreth 938 milion lekë nga 440 milion lekë që ishte në vitin 2023, dhe 27 milion euro nga rreth 18 milion euro që ishte në vitin 2023.
Sa i përket vlerave të pasurive të konfiskuara dhe sekuestruara nga Prokuroria e Posaçme gjatë viti 2024, rezulton se rreth 30 milionë euro, ose rreth 45,8% të vlerës totale të pasurive të konfiskuara dhe sekuestruara përgjatë këtij viti, e zënë pasuritë që ju përkasin zyrtarëve të lartë.
Report Tv zbardh raportin e SPAK për vitin 2024 të depozituar në Kuvend. Më poshtë renditen 10 problematikat e ngritura nga SPAK, për të cilat thonë se duhen adresuar. Në krye renditet presionet që SPAK thotë se kanë pasur nga krimi i organizuar, aktorë politikë dhe mediatik. Po ashtu, ndër pikat e rëndësishme që kërkojnë adresim sipas SPAK është edhe qartësimi i kuadrit ligjor në lidhje me statusin e prokurorëve të posaçëm pas përfundimit të mandatit të tyre 5-vjeçar. Kreu i SPAK në disa dalje të tij ka shprehur kërkesën që prokurorët e posaçëm të kenë mundësi të rikandiojnë pas mandatit të tyre 9-vjeçar.
Pjesë nga raporti i SPAK
Prokuroria e Posaçme, ka paraqitur disa problematika, që i ka hasur në punën e saj, të cilat përkthehen në propozime të mundshme për të kryer ndryshimet e nevojshme ligjore, qoftë në ligjin organik nr. 95/2016, "Për organizimin dhe funksionimin e institucioneve për të luftuar korrupsionin dhe krimin e organizuar, të ndryshuar, apo dhe në ligje të tjera, të cilët do të ndikonin në cilësinë dhe mbarëvajtjen e punës së Prokurorisë së Posaçme. Edhe për vitin 2024, disa nga problematikat e paraqitura vijojnë të mbeten. Ndërkohë janë shfaqur edhe disa problematika të tjera, të cilat së bashku paraqiten, si më poshtë:
1. Presioni i jashtëm ndaj SPAK nga krimi i organizuar, aktorë politikë dhe mediatik, i cili cenon pavarësinë e tij kushtetuese dhe efektivitetin në hetime. Ndërhyrjet e jashtme rrezikojnë gjithashtu, integritetin e prokurorëve dhe të procesit hetimor. Për të garantuar pavarësinë e SPAK-ut, si dhe mbështetje për prokurorët në çështje të ndjeshme, nevojitet një reagim më i koordinuar dhe në kohë i të gjitha institucioneve, të cilat kanë përgjegjësinë e mbrojtjes së integritetit të SPAK.
2. Vijimi i mungesës së përcaktimit të qartë ligjor në lidhje me statusin e prokurorëve të posaçëm pas përfundimit të mandatit të tyre. SPAK konstaton se, kjo problematikë nuk është adresuar ende dhe thekson se mos përcaktimi i qartë i këtij statusi mund të cenojë vijimësinë e ruajtjes së standardeve të larta profesionale të hetimit, të kërkuara nga publiku, Kuvendi, Këshilli i Ministrave dhe institucionet ndërkombëtare. Siç është nënvizuar edhe në raportin vjetor të SPAK për vitin 2023, nga mungesa e një statusi të qartë të prokurorëve të posaçëm do të cenohej gjithashtu dhe vazhdimësia e hetimeve të rëndësishme të kryera nga SPAK.
3. Vijimi i mos adresimit të akordimit të këshilltarëve ligjor pranë Prokurorisë së Posaçme. Cilësojmë në mënyrë të përsëritur se, mungesa e këtij standardi burimi njerëzor vë në vështirësi cilësinë e hetimit dhe prapësimeve të SPAK në ndjekjen e çështjeve në të gjitha shkallët e gjykimit dhe në Gjykatën Kushtetuese.
4. Vijon ende të ngelet problematike numri i ulët i referimeve nga institucionet publike, përfshirë policinë e shtetit në lidhje me veprat penale në kuadër të korrupsionit dhe krimit të organizuar.
5. Përfundimi i ngritjes së sistemit të administrimit të çështjeve (Case Management System) mbetet një prioritet për Prokurorinë e Posaçme. Sistemi ka një ndërtim modular dhe në dhjetor 2024 ka përfunduar zhvillimi/ndërtimi i moduleve. Për shkak të përfundimit të projektit mbështetës të ICITAP, ky proces është pezulluar dhe pritet të përmbyllet brenda vitit 2025, me fonde të BE-së.
6. Ngritja e njësisë së analizës së SPAK që do të shpërbejë për të mbështetur hetimet komplekse, matjet e riskut, dhe raportimet në kuadër të negociatave me BE, Moneyval dhe raportime në kuadër të strategjive kombëtare të ndryshme, ngele një sfidë. Po bashkëpunohet me ekspertë ndërkombëtarë për të përshtatur një model sipas kërkesave dhe funksionimit të SPAK.
7. Vijon të mbetet problematike statusi i specialistit Ndërlidhës në Sektorin e Bashkëpunimit Ndërkombëtar dhe Hetimet e Përbashkëta, i cili trajtohet si nëpunës civil bazuar në ligjin nr. 95/2016 "Për organizimin dhe funksionimin e institucioneve për të luftuar korrupsionin dhe krimin e organizuar", të ndryshuar dhe në ligjin nr. 152/2013 "Për Nëpunësin Civil", të ndryshuar. Kjo situatë është në kundërshtim me funksionet, që duhet të kryejë Specialisti Ndërlidhës sipas ligjit nr. 95/2016, siç është argumentuar në raportin vjetor të SPAK, për vitin 2023.
8. Vijon të ngelet e pa adresuar mungesa e kompetencës për shqyrtimin e kërkesave të autoriteteve të huaja lidhur me njohjen dhe ekzekutimin e vendimeve penale të huaja në Shqipëri në ngarkim të shtetasve shqiptarë për veprat penale, për të cilat Prokuroria e Posaçme ka në kompetencë, sipas nenit 75/a të Kodit të Procedurës Penale. Po kështu, paraqitja e kërkesave për njohjen dhe ekzekutimet e vendimeve penale të Gjykatës së Posaçme së Shkallës së Parë për Korrupsionin dhe Krimin e Organizuar nga një shtet i huaj, si dhe realizimi &procedurës të ekstradimit për jashtë të shtetasve shqiptarë.
9. Mungesa e kompetencës lëndore e Gjykatave të Posaçme për shqyrtimin e kërkesave në fazën e ekzekutimit të vendimit penal për subjektet e posaçme sipas parashikimeve të nenit 135, pika 2, të Kushtetutës dhe nenit 75/a, të Kodit të Procedurës Penale. Aktualisht këto kërkesa shqyrtohen nga gjykatat e juridiksionit të përgjithshëm penal, siç është argumentuar në raportin vjetor të SPAK, për vitin 2023.
10. Vazhdon dhe mbetet problematike çështja e mos ekstradimit të shtetasve shqiptarë të lokalizuar apo arrestuar në Emiratet e Bashkuara Arabe, siç është argumentuar në raportin vjetor të SPAK për vitin 2023.
Komente
Kryesorin e keni lene ,keni frike ti beni 1 pyetje per piramidat, per 96 ,per grushtin e shtetit ne 98 ,per 21 Janarin, per Gerdecin. Eshte merita e juaj qe e late te fitoje zgjedhjet qofte dhe me 1% mundesi.
Përgjigju