“Reporterët pa kufij”, një nga organizatat më prestigjioze në botë për mbrojtjen e gazetarëve dhe lirinë e shprehjes së tyre, ka reaguar lidhur me rastin e paprecedentë të sekuestrimit nga SPAK të pajisjeve të gazetarit investigativ, Elton Qyno.
Përmes një reagimi në platformën ’X’ Reporterët pa kufij’ nënvizojnë se sekuestrimi i aparaturave të gazetarit kërcënon fshehtësinë e burimeve konfidenciale.
“...Shqipëri: Sekuestrimi i aparaturave të gazetarit Elton Qyno nga prokurorët antikorrupsion pas raportimit të tij për krimin e organizuar, kërcënon fshehtësinë e burimeve konfidenciale."
Më tej kjo organizatë i bën thirje Gjykatës Speciale të Apelit të vendosi kthimin tek gazetari Qyno të sendeve të sekuestruara mes tyre dy telefonat dy kompjutera dhe materialet e tjera profesionale
Në reagimin përmes platformës “X”, “Reporterët pa Kufij” shkruajnë si më poshtë vijon:
“Reporterët pa kufij” i kërkon Gjykatës së Posaçme të Apelit, e vendosur në 5 janar, të urdhërojë kthimin e pajisjeve të gazetarit...”.
#Albania: The seizure of journalist #EltonQyno's devices by the anti-corruption prosecutors after his report on organised crime threatens the secrecy of sources. RSF asks the ????????special court of appeal, set to rule on 5 January, to order the return of the reporter's equipment. pic.twitter.com/gkPRgIKs1D
— RSF (@RSF_inter) January 4, 2024
Në të njëjtën linjë është dhe organizata “Safe Journalists”, e cila në një postim të sajin në platformën “X”, bëri thirrje që gjykata të kthejë pajisjet dhe njëkohësisht këmbëngul që të përmbahet në të ardhmen nga nisja e çështjeve që rrezikojnë burime gazetarësh.
“…Safe Journalist i kërkon Gjykatës së Posaçme të Apelit kundër Korrupsionit dhe Krimit të Organizuar të urdhërojë SPAK-un t’i kthejë të gjitha pajisjet Elton Qyno-s dhe këmbëngul që të përmbahet në të ardhmen nga nisja e çështjeve që rrezikojnë burime gazetarësh…”-thuhet në deklaratën e Organizatës “Safe Journalists”.
Më 13 dhjetor 2023, për rreth 9 orë, Elton Qyno u mor në pyetje dhe u raportua se iu kërkua të tregonte burimin e informacioneve të cilat i kishte publikuar në media lidhur me Nuredin Dumanin.
????️ @WBjournalists urges the Special Court of Appeal against Corruption & Organized Crime to order SPAK to return all the equipment to Elton Qyno & insists that it should refrain in the future from initiating cases that endanger sources of journalists.
— Safe Journalists Albania (@AlbJournalists) January 4, 2024
???? copyright Top Channel pic.twitter.com/TD4Wg1eS7W
Atij I janë sekuestruar dhe telefonat dhe kompjuterat e materiale të tjera.
