Shkëmbeni dhuratat, hani darkën dhe pa humbu kohë mblidhuni së bashku për të ndjerë atmosferën e Krishtlindjeve pranë njeri-tjetrit edhe përmes një filmi klasik të festave.
Rep-pop nën magjinë e Krishtlindjeve ka përgatitur një listë me filmat më të bukur.
Një film argëtues, ku ndihet fort magjia e Krishtlindjeve është “The Princess Switch”. Dy gra identike në pamje por krejtësisht të ndryshme në personalitet takohen rastësisht. Ky është edhe momenti që jeta e tyre ndryshon përgjithmonë, pasi ato vendosin të ndërrojnë vende dhe të jetojnë jetën e njëra-tjetrës. Kështu ato gjejnë jetën dhe dashurinë e vërtet. Ky është “The Princess Switch” 1 por nëse këtë mbrëmje do të zgjidhni të bëni një maratonë kinematografik, atëherë nuk duhet të humbisni 2 dhe 3!
Nga lista e filmave që duhet të shihni këto festa nuk mund të mungojë “The Polar Express”!
Aventura e Tom, djaloshit skeptik për ekzistencës e Babagjyshit është ajo që ka nevojë çdo fëmijë dhe i rritur për t’i rikthyer shpresën. Gjithçka nis kur ai bëhet një udhëtar i trenit me destinacion polin e veriut, për të takuar atë...të preferuarin e...Babagjyshin!
Asnjë listë me filma nuk është e plotë nëse nuk ka një Grinch dhe ky version i animuar i vitit 2018 nuk duhet humbur! “The Grinch” është krijesa e lezetshme jeshile që urren festat, ndaj dhe vendos që më ndihmën e qenushit të tij të vjedhë Krishtlindjet! Por shumë shpejtë e gjithë rrjedha e filmit ndryshon, kur akullin në zemrën e tij e shkrin ngrohtësia dhe dashuria.
Filmi “Elf”, pavarësisht se është publikuar në vitin 2003, vijon të jetë një nga më të preferuarit e Krishtlindjeve! Buddy, është një njeri i rritur nga Babagjyshi dhe ndihmësit e tij në Polin e Veriut Megjithëse shumë i lumtur mes tyre, ai e kupton se ka diçka që nuk shkon..*efekt* ndaj vendosë të shkojë në New York për të njohur nga afër babain e tij Biologjik! Por sigurisht New York nuk është Poli i Veriut! Ai më në fund gjen babain, por a do e pranoj ai?
Krishtlindjet nuk janë njësoj pa Kevin, djaloshin 8-vjeçar nga “Home Alone” që familja e tij e harron aksidentalisht në shtëpi dhe ikën me pushime. Teksa Kevin shijon kohën i vetëm në shtëpi, 2 hajdutë profesionisht tentojnë të vjedhin shtëpi, një gjë të cilën ai nuk e lejon! Kështu nis aventura e 8-vjeçarit dhe e jona!
Mblidhni familjen, falni përqafime dhe shijoni kohën dhe filmat së bashku.
J.GJ.//ReportTv.al