Reshjet intensive të shiut prej dy ditësh tanimë kanë shkaktuar probleme në qytetin e Shkodrës.
Sipas njoftimit të fundit, deri në orën 19:00 ka pasur rritje të nivelit të ujit në lumin Drin dhe Bunë, po ashtu vijon të jetë i bllokuar aksi rrugor Prekal-Mali Shoshit- Ndrejaj, për shkak të rrëshqitjeve të gurëve.
Po ashtu mësohet se është bërë e mundur hapja e rrugës Mes-Ura e Shtrenjtë që ishte bllokuar natën e kaluar.
‘Situata ne Bashkine Shkoder, ne oren 19.00, paraqitet si me poshte: Niveli i lumit Drin (hidrometri ura e Bahçallekut) shenon kuoten 5.80 m me nje rritje prej 10 cm me oren 15.00 ( kuota max 7.50 m ) Niveli i Liqenit ( hidrometri ura e Bunes) shenon 7.25 m me nje rritje prej 5 cm me oren 15 ( kuota max 8.70 m ). Rruga Prekal - Mali Shoshit - Ndrejaj është e bllokuar nga rreshqitjet e dherave e gureve. Eshte bere hapja e rruges Mes-Ura e Shtrenjte e cila ishte bllokuar nga rreshqitja e nje masivi dherash, naten e kaluar.’- njofton bashkia Shkodër.
Lajmi kryesor:
Moti i keq, anulohen lundrimet e linjës Ankona-Durrës dhe shtyhen ato të Durrës-Bari
M.Q./ReportTv.al
