Të paktën shtatë persona kanë humbur jetën në Alpe për shkak të një orteku. Ngjarja e rëndë ka ndodhur në malet e Austrisë, Gjermanisë dhe Italisë.
Dy orteqe të ndara i morën jetën dy skiatorëve gjermanë në malet Vorarlbergut të Austrisë. Një skiator i tretë vdiq në rrethin e Pongaut, pranë Salzburgut.
Në rajonin e Bavarisë, në Gjermani, një skiator vdiq pasi u përplas me një pemë të rrëzuar, ndërsa një vajzë humbi jetën në malet “Teisenberg”.
Mediat e huaja raportojnë se dy viktima tjera janë shënuar në Alpet Italiane. Ekipet e shpëtimit i gjetën trupat e tyre në lartësinë e 2800 metrave mbi nivelin e detit, ndërsa ende po vazhdojnë kërkimet për personat e tjerë të zhdukur në Alpe.
Autoritetet kanë dhënë alarmin për ortekët, ndërsa skiatorët janë këshilluar që ta shmangin sportin në zonat që konsiderohen të rrezikshme.
Komente
