Prej tre ditësh i gjithë vendi ynë është përfshirë nga moti i keq duke sjellë edhe problematika në akse të ndryshme rrugore.
Teksa sot kemi një përmirësim të motit kryeministri Edi Rama, publikoi në rrjetet sociale momente nga pastrimi dhe kriposja e rrugëve në disa akse të vendit.
“Mjetet borëpastruese, në terren për të siguruar lëvizjen pa pengesa”, shkroi Rama.
Më tej Rama thekson që të drejtuesit e mjeteve të respektojnë rregullat e qarkullimit rrugor dhe të ndjekin udhëzimet e autoriteteve.
Sipas një njoftimi të Ministrisë së Mbrojtjes të gjitha akset kombëtare janë të kalueshme përveç disa rrugëve rurale që vijojnë të jenë ende të bllokuara.
Komento
Komente
