"Shënepremtja me 4 shenjtorë' dhe "Shën Johan Pagëzori", dy ikona të rralla të Kostandin që i përkasin shek XVIII janë restauruar nga specialistë shqiptarë të monumenteve. Pas daljen nga rreziku i degradimit ato janë gati për tu ekspozuar në Muzeun Ikonografik "Onufri".
"Këto të dy ikona të shekullit të 18-të janë tepër të rëndësishme për sa i përket vlerave historike. Drejt përfundimit është dhe sheshi në qendrën mesjetare si dhe ura e Vokopolës", tha Eugen Kallfani drejtori i DRTK në Berat.
Po kështu drejt përfundimit të restaurimit dhe konsolidimit të plotë është dhe Afresku i Kishës së Shën Triadhës" në lagjen "Kala". Fundi i këtij viti do të përkojë edhe me përmbylljen e procesit të restaurimit në kompleksin e Qendrës Mesjetare, që është sheshi midis Xhamisë Mbret dhe Teqesë së Helvetijëve dhe investimi po kryhet nga qeveria turke, që ka ndërhyrë në Berat për të gjitha objektet e kultit musliman.
J.GJ.//ReportTv.al