Revani me miell misri nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

14 Mars, 12:14| Përditesimi: 14 Mars, 12:16

  • Share

Revani me miell misri

Përbërësit:

  • 200 gr gjalpë
  • 500 gr sheqer
  • 4 kokrra vezë
  • 2 lëvozhga veze me finjë
  • 500 gr miell misri Ola për ballokume

Përgatitja:

Pasi kemi shkrirë gjalpin dhe e kemi lënë të vaket shtojmë sheqerin. E rrahim me lugë druri derisa të shkrijë dhe masa të bëhet kremoze. Shtojmë vezët një e nga një me pak distancë nga njëra-tjetra duke i rrahur pa ndërprerje. Më pas hedhim finjën, e përziejmë mirë dhe në fund shtojmë pak nga pak miellin e misrit duke vijuar përzierjen me lugë druri. E punojmë mirë brumin. Lyejmë një tavë me gjalpë, e pudrosim me pak miell, shtrojmë brumin e revanisë dhe e pjekim në furrë të parangrohur në temperaturën 170 gradë Celsius për 50 minuta.

MC/ReportTv.al
Komento
  • Sondazhi i ditës:

    Vrasja e 14 vjeçarit, çfarë duhet të bëjë Shqipëria me TikTok e Snap Chat?