Gambero Rosso revista e famshme italiane e dedikuar kulinarisë, i ka kushtuar një artikull restoranteve më të mira që duhen vizituar në vendin tonë. Gambero Rosso ka përzgjedhur 10 restorante apo bujtina të cilat ofrojnë ushqim tradicional shqiptar, por nuk mungon as modernia.
Përmes këtij shkrimi, Gambero Rosso u bën thirrje italianëve që të mos ikin nga ‘toka e shqiponjave’ pa i provuar këto restorante. Revista e krahason Shqipërinë si Salento i ri, një rajon kulturor, historik në skajin jugor të Pulias në Italinë Jugore.
Shkrimi i plotë
Objektivi i vitit 2023? Është Shqipëria. Vendi ballkanik është destinacioni ideal për të kaluar pushimet tuaja verore, është afër Italisë dhe rezervon plot surpriza. Është gjithashtu destinacioni ideal për një udhëtim gastronomik. Nga veriu në jug ka shumë restorante, bujtina dhe taverna ku mund të shijoni pjata tipike shqiptare. Ja cilat janë 10 restorantet që nuk duhen humbur nëse shkoni në Tokën e Shqiponjave.
Restorantet më të mira në Shqipëri
Padam, Tiranë
Shefi i kuzhinës Fundim Gjepali, gjithashtu kreu i Antico Arco në Romë, ka krijuar një menu të shijshme dhe të rafinuar me pjata që duken si vepra të vogla arti. Ndër të gjitha, provoni vezën me tartuf, salcën e kosit dhe brokoli, dhe akulloren e bërë në shtëpi me biskotë të shtypur.
Rruga Gjon Pali II - +355692025122 - padam.al
Mullixhiu, Tiranë
Shefi i kuzhinës Bledar Kola, me eksperiencë në Noma në Kopenhagë si dhe në Itali, përgatit gatime tradicionale të gastronomisë shqiptare të ndërthurura me ato moderne. Provoni petka, provoni makarona tipike shqiptare të bëra në shtëpi (jufka), dhe qumështor, një ëmbëlsirë tradicionale me bazë qumështi.
Shëtitorja Lasgush Poradeci - +355696660444 - mullixhiu.al
Gzone, Tiranë
Në zemër të Tiranës, shefi i ri i kuzhinës Bleri Dervishi, me një eksperiencë italiane dhe ndërkombëtare, përgatit gatime me përbërës dhe shije vendase. Nga tartari i viçit dhe patëllxhanit, te sallatat e ditës dhe ëmbëlsirat, gjithçka përgatitet me mjeshtëri.
Shëtitorja Murat Toptani - +355688070605 - gzona.al
Ferma Fustanella, Tiranë
Në fshatin Petrelë, pak kilometra larg qendrës së Tiranës, ky restorant nga ferma në tryezë është një perlë e vogël e rrethuar nga natyra, ku shkon për të ngrënë produkte 0 km dhe pjata tipike të gastronomisë vendase.
Petrelë - +355694484000 - fustanellafarm.al
Mrizi i Zanave, Fishtë Lezhë
Ky ‘tempull’ i gastronomisë shqiptare, i lindur nga një ide e vëllezërve Prenga, është një ndalesë thelbësore gjatë një udhëtimi në Shqipëri. Në tavolinat e Mrizit të Zanave mund të hani djathë, byrekë të shijshëm, mish të pjekur, makarona tipike, qebapë mishi dhe ëmbëlsira të shijshme. Keni mundësi të shijoni edhe verërat e tyre, të cilat këtë vit fituan tre medalje në konkursin Decanter.
Rruga Lezhë-Vau i Dejës - +355692108032 - mrizizanave.al
Tradita e Beratit, Berat
Qyteti i trashëgimisë së UNESCO-s, Berati, një nga destinacionet më të vizituara të Shqipërisë, është i njohur për shtëpitë e tij tradicionale, shumë prej të cilave janë shndërruar në bujtina dhe restorante. Si Tradita e Beratit ku mund të hani byrek, byrekë të shijshëm të mbushur me spinaq, mish ose djathë, sallata kopshti, ullinj, speca, duke admiruar pamjen.
Rruga Stiliano Bandili - +355682233339 - traditaeberatit.com
Alpeta Agroturizëm, Roshnik
Pak kilometra larg Beratit, Agroturizëm Alpeta është një agroturizëm dhe bodrum ku shërbehen perime nga kopshti, byrekë të shijshëm të mbushur me spinaq, rikota të kripura, presh, mish dhie që jeton dhe rritet në shpatet e malit Tomorr, jufka me pulë fshati. Verërat dhe likeret janë ndër më të mirat në Shqipëri.
Roshnik Qënder - +355682091617 - @alpeta_agroturizem
Vila Përmet, Përmet
Kjo vilë simpatike e fundit të shekullit të 19-të, e rinovuar deri në detaje, është vendi i përsosur për të shijuar më të mirat e gastronomisë së Përmetit. Restoranti në katin e parë u ofron turistëve kuzhinë autentike dhe tradicionale, me perimet e kopshtit, mishi nga kafshët e rritura në zonë, sallami i bërë vetë dhe gliko.
Rruga 13 Shatori - +355692166646 - villapermet.com
Taverna Vasili, Korçë
Është mbretëria e mishngrënësve: mishi i gatuar në konjak dhe gulash është i shijshëm, por menuja përfshin edhe mish të pjekur në skarë, salsiçe dhe qofte tradicionale. Mezet me speca të kuq dhe rikota të kripura dhe ëmbëlsirat e bëra vetë janë gjithashtu të shkëlqyera.
Rruga Kostandina Gace - +355692048583 - @taverna_vasili_korce
Restorant Bujar, Vlorë
Në menunë e Bujarit bie në sy pasta, kallamar dhe domate qershi, oktapod i pjekur në skarë. Gjithçka gatuhet thjesht në pjata të nxehta dhe shërbehet me vaj ulliri, një shtrydhje limoni dhe kripë. Provoni shijen e Mesdheut.
Rruga Murat Tërbaçi - +355695537476 - @restorant_bujar
Komente
Nga te gjithe qe jane permendur ja vlejne vetem Mrizi,Alpeta,Taverna Vasili, Vila Permet...!
PërgjigjuAlpet ne Rroshnik eshte super,ushqimi,Panorama ku ke Malin e Tomorit perballe nuk duhet lene pa e provuar
PërgjigjuKeto jane restorante per te huajt qe nuk e kane problem cmimin. Ne qe nuk mundemi dime ti zgjedhim ato me te mirat dhe me te lirat.
PërgjigjuI pari eshte BOJO ne Rradhim nje dreke dy veta me 200 euro kenaqesh pastaj vjen Paradise ne Rradhim i treti Bujari me comange ne dore te ben te ngatrosh rrugen per te ikur ne shpi
PërgjigjuSi gjithmone Shkodra antikomuniste eshte lene pa asnje restorant or teeeejjjjj
PërgjigjuKeni Mrizin e Zanave. Më i miri në Shqipëri. Ushqimi i mirë nuk bëhet me politikë dhe ideologji.
Me mire eshte Joni por nuk eshte i lire dhe ai te keput ne mes
PërgjigjuBujari ne vlore,kurth per turistet…restorant Joni ngjitur shume here me mire dhe me lire….
Përgjigju