Ministrja e Drejtësisë, Etilda Gjonaj ka reaguar pas rezolutës së miratuar nga Këshilli i Europës për çështjen e pronave në Shqipëri. Gjonaj shprehet se kjo rezolutë vjen si përgjigje dhe për opozitën, që veç retorikes politike s’ka dhënë asnjë zgjidhje për pronarët.
Vendim i rëndësishëm për pronarët. @coe rikonfirmon efektivitetin e mekanizmit të kompesimit të pronës miratuar @AlbGov. Vlerësim maksimal për punën e qeverise & agjencive të pronës që e trajtuan me seriozitet e i dhanë zgjidhje ligjore problemit të madh të kompensimit të pronave. Qeveria Shqiptare është vlerësuar pasi ka përmbushur të gjitha masat lidhur me pronat, duke ofruar mbështetje politike, financiare e teknike që nga viti 2014 e në vazhdim. Vendimi i CoE, përgjigje dhe për opozitën, që vec retorikes politike s'ka dhënë asnjë zgjidhje për pronarët
Ministrja e Drejtësisë, Etilda Gjonaj
Këshilli i Europës miratoi një rezolutë për çështjen e pronave në Shqipëri. Në këtë rezolutë thuhet se mekanizmi i miratuar nga qeveria shqiptare për çështjen e kompensimit të pronave është efektiv. Komiteti i Ministrave të Evropës thekson faktin se plani i kompensimit të pronave do të mbyllet brenda një periudhe 10-vjeçare, një zhvillim ky, i cili garanton çdo pronar, pasi prona e tij do të kompensohet sipas një plani të studiuar.
Komente
