Rihapet sërish gara në kampionatin italian të futbollit pas barazimit të Juventusit. Bardhezinjtë u frenuan nga Crotone mbrëmjen e të mërkurës në një barazim 1-1, ndërsa Napoli fitoi duke ngushtuar diferencën në 4 pikë.
Tashmë vendimtare do të jetë sfida e së dielës në Torino mes vendit të parë dhe të dytë për të vendosur shumë për titullin kampion. Trajneri Alegri u shpreh se të dielën do të luajmë për fitore duke mos firmosur për barazim.
Do të jetë një sfidë mjaft e bukur. Do të luajmë për fitore, pasi nuk duam barazim. Të gjithë lojtarët janë në gjendje mjaft të mirë fizike dhe jemi gati të marrim maksimumin të dielën
Trajneri i Juventusit, Alegri
Ndeshjet e Serie A mbrëmë
Benevento 0 - 3 Atalanta
Crotone 1 - 1 Juventus
Hellas Verona 0 - 1 Sassuolo
Roma 2 - 1 Genoa
SPAL 0 - 0 Chievo
Napoli 4 - 2 Udinese
Sampdoria 1 - 0 Bologna
Torino 1 - 1 Milan
Fiorentina 3 - 4 Lazio
Ndërsa në Spanjë Reali i Madridit nuk shkoi më shumë se një barazim 1-1 me Bilbaon. Të besuarit e Zidane tashmë e kanë mendjen te ndeshja me Bayerin në gjysmëfinalen e Champions, pasi për kampionatin gara u mbyll shumë herët.