Pasi Presidenti francez Macron aprovoi Reformën e Pensioneve, mijëra jelekverdhë kanë dalë sërish për të protestuar në ‘Ditën e Trashëgimisë’.
Ndërkohë, në rrugët, para së gjithash në ‘Champs-Elysees’, janë rikthyer automjetet e blinduara të xhandarmërisë dhe furgonët e blinduar.
Jelekëverdhët në rrjetet sociale kanë kërkuar rinisjen e protestave nën moton ‘E gjithë Franca në Paris’.
Bilanci i parë i protestave të sotme në Paris, u njoftua nga zyrtarë të prefekturës, sipas të cilëve, deri tani, janë kryer 596 kontrolle dhe janë gjobitur 4 persona dhe janë ndaluar 65 të tjerë.
Një grup i madh jelekësh të verdhë u mblodhën në sheshin e stacionit Saint-Lazare në një demonstrim të paautorizuar; policia u përgjigj duke gjuajtur me gaz lotsjellës për t'i shpërndarë.
Një tjetër grumbullim i paautorizuar ka qënë në ‘Place de la Madeleine’.
Kryeqyteti është i blinduar me 7.500 policë të vendosur për t'iu përgjigjur çdo shkelje të ligjit nga ana e pjesëmarrësve në tre revoltat e ndryshme kombëtare të planifikuara për klimën, kundër reformës së pensioneve dhe jelekëverdhët.
Komente
