Ditën e nesërme më 11 Maj, partitë opozitare jashtë Kuvendit pritet të mbajnë protestën e tyre të paralajmëruar në orën 18:30. Kjo protestë është parashikuar të mbahet në sheshin para Kryeministrisë.
Ndërkohë për këtë protestë opozita prej disa kohësh ka bërë thirrje për simpatizantët e tyre në rrethe që të mblidhen në tubimin e 11 Majit. Sipas pretendimeve të opozitës protesta e nesërme do të jetë më e madhja që është organizuar deri më tani.
Në lidhje me këtë protestë ka reaguar edhe Ambasada Amerikane në Tiranë ku në një mesazh të publikuar bën thirrje që çdokush që merrr pjesë në këtë tubim të distancohet nga dhuna dhe çdo thirrje për dhunë.
Një ditë para protestës së opozitës, Lëvizja Socialiste për Integrim ka publikuar një video ku u bën thirrje qytetarëve që të marrin pjesë në protestën e 11 majit. Në këtë video, parashtrohen disa arsye se përse duhet t'i bashkohen protestës së të martës.
"PËR Dinjitetin, PËR Familjen, PËR Kombin.
JO Varfërisë, JO Arrogancës.
PËR Drejtësi të Barabartë, PËR Shëndetësi të Barabartë, PËR Shanse të Barabarta.
ASNJË HAP PAS!
Nesër në orën 18:30 para Kryeministrisë", shkruan Kryemadhi.
Kreu i Partisë Demokratike, Lulzim Basha me anë të një videoje të publikuar ka ftuar qytetarët që të marrin pjesë në tubimin e thirrur nga opozita ditën e nesërme më 11 maj.
Ndër mesazhet e këtij spoti thuhet se protesta e 11 majit sipas opozitës do të çlirojë vendin nga e keqja dhe do të ndëshkojnë krimin e korrupsionin. Më pas në spot behët thirrje se asgjë nuk i ndal shqiptarët kur bëhen bashkë.
Mesazhet e spotit: Një ore e re po troket, Me besimin tek njëri-tjetri. Tek forca e bashkimit, Tek Demokracia, Tek Europa, Do t’i hapim dyert e Europës, Kur të çlirohemi nga e keqja, Kur të ndëshkojmë krimin dhe korrupsionin, Kur vota të jetë e lirë, Kur të luftojmë korrupsionin, Të largojmë qeverinë e lidhur me krimin, Asgjë nuki ndal shqiptarët kur bëhen bashkë! Asnjë hap pas! Për një Shqipëri si gjithë Europa! 11 Maj ora 18.30”!
Komente
eh kur flasin kwmeta krimelat...po ju çfar keni bere kur keni qen ne pushtet...ikni o legena..
PërgjigjuMonika sa bukur te dalin fjalet jo varferi drejtesi te barab,sa ka kushtuar shtepia juaj(bashke me Liron)ndoshta do te ishin strehuar shume familje qe vertete nuk kane strehe.Turp.
PërgjigjuNuk kuptoj nje dicka perse e quani opozite derisa kane dorezuar mandatin e deputetit,pra jane "qytetare te thjeshte",po te bejne te gjithe te mbyllin ruget cngelet?Po te ishte Pavllovi gjalle ty Basha do te mirte per eksperiment.
PërgjigjuO torrollak thirri mendjes se nuk je nga ato lule ti.Kam shprese tek ty te clirosh budallallekun qe mban.
Përgjigju