Këtë të shtunë pas pushimeve të kombëtares do të kthehet Superliga me javën e 5 që sjell disa përballje interesante si Teuta-Tirana, por edhe Partizani-Kukësi.
Udhëheqësit aktual të Superligës Tirana do të udhëtojnë në Elbasan të dielën në orën 19:45 për t’u përballur me Teutën kampione në fuqi, por kjo sfidë vjen ne një moment tepër delikat për bardheblutë. Pavarësisht se e kanë kaluar kovidin Majkëll Ngo, Taulant Seferi dhe Marseil Ismailgeci nuk do jenë në gjendje për t’u luajtur. E njëjta gjë vlen edhe Hoxhallarin, Gjumsin dhe Likën, që vetëm sot kanë lënë pas COVIDIN.
Ndërkohë po të dielën Partizani që ende s’e ka shijuar fitoren e parë pret në Air Albania Kukësin, ndërsa java e 5 do të nisë të shtunën me Laçi-Egnatia dhe Kastrioti-Skënderbeu. Krutanët e Ndreut besojnë se ka ardhur momenti për tre pikët e para në këtë sezon.
Ramadan Ndreu, trajner i Kastriotit: “Na shërben shumë kjo pauza, kishim nevojë për këtë pushim për të përmirësuar diçka sepse jemi mbrapa në kohë. Kundër Skënderbeut luajmë në fushën tonë, kthehen edhe lojtarët e dëmtuar kështu që është momenti për të marrë 3 pikët.
Java e 5 e Superligës do të mbyllet të hënën me Vllaznia-Dinamo në orën 19:45.
Ne.k.//ReportTv.al