Këtë të premte Pazari i Ri do të mikpresë artizanë të ardhur nga të gjithë trevat shqiptare për të ekspozuar punimet e tyre të veçanta.
Panairi do të organizohet nga Bashkia e Tiranës në bashkëpunim me TID TIRANA. Këtë herë panairi ka si synim edhe rimëkëmbjen ekonomike të artizanëve në këtë periudhë të vështire pandemie. Ndaj mbi 20 artizanë nga më të mirët në vend do të zbukurojnë pazarin me krijimet e tyre të veçanta duke filluar nga produkte kozmetike dhe bizhuteritë e punuara me dorë e deri tek qilimat tradicionalë të tezgjahut.
Eventi do të zbatojë të gjitha masat e sigurisë për mbrojtjen ndaj COVID-19 dhe ndaj të gjithë vizitorët e panairit do të duhet të jenë pajisur me maska dhe doreza përpara se të vizitojnë tezgat.
Komento
