Edhe këtë të martë ka vijuar sërish protesta e naftëtarëve përpara hyrjes së rafinerisë së Ballshit.
Sikundër ditën e djeshme ku pati tension mes protestuesve dhe policisë, sot situata paraqitet më e qetë.
Kreu i Sindikatës së Naftëtarëve, Sokol Dautaj për Report Tv tha se disa prej tyre u shoqëruan në komisariat pas protestës të së hënës.
Ai thotë se policia u mori deklaratë mbi organizimin e protestës por nuk pati asnjë procedim penal.
Gjithashtu ai thotë se ka patur bisedime me palën azere dhe priten edhe përgjigja e tyre për vazhdimësinë e punës.
"Jemi rrënuar si naftëtarë dhe nuk kemi ku të shkojmë. Veç të shkojmë në gjykatën e Hagës, ndryshe nuk kemi çfarë të bëjmë. Ku do shkojmë. Protestat do të bëhen më të dhunshme kohën e ardhshme, mos shiko tani. Kryeministri duhet të vijë me zgjidhje konkrete, nëse nuk ka zgjidhje të vijë të na vrasë të gjithëve. Mallakastra do bëhet e gjithë bashkë" - thotë një prej protestuesve.
Ndërkohë ditën e djeshme kryeministri Rama zhvilloi një takim në Turqi me Presidentin e Azerbajxhanit ku ndër të tjera u diskutua dhe çështja e rafinerisë së Ballshit.
Dautaj thotë se beson tek fjala e kryeministrit dhe se në të kundërt, do të vijojnë protesta dhe përpara kryeministrisë.
Tetë persona janë proceduar penalisht ditën e djeshme (14 shtator) për zhvllimin e protestës përpara rafinerisë së Ballshit.
Ata u dërguan në komisariatin e Mallakastrës dhe janë proceduar për thyerjen e masave anticovid të vendosur nga ministria e Shëndetësisë.
"Specialistët për Hetimin e Krimeve në Komisariatin e Policisë Mallakastër, në përfundim të veprimeve të kryera në lidhje me protestën e paligjshme të zhvilluar ditën e djeshme para hyrjes kryesore të Ndërmarjes së Përpunimit të Thellë të Naftës në Ballsh, proceduan penalisht 8 persona për veprën penale “Organizimi dhe pjesëmarrja në grumbullime e manifestime të paligjshme" - njofton policia.
Materialet i kaluan Prokurorisë pranë Gjykatës së Shkallës së Parë Fier për veprime të mëtejshme procedurale.
Komente
Ku ka kohe kryeministri te vije e te degjoj protestuesit. Atij i vlon mendja te jete edhe kater vjet ne pushtet edhe bashke me opoziten jashteparlamentare qe te ruajne pasurine e vjedhur e te grabitur,te shmangin rrugen e fatkeqsise qe po afrohet. Ky kryeminister dhe tere klasa politike e degjeneruar shqiptare po provokojne nje perballje te dhunshme me popullin qe do ti kushtoje shume shtrenjte me jete dhe gjak popullit te varfer.
PërgjigjuProteste e drejte e punetoreve te Ballshit kunder korrupsionit shteterir qe i rrembeu pronen per afera korruptive .Ka mbajtur pergjegjesi penale ndonje kriminel qe i ktheu punetiret ne skllever . Vazhdoni pritestat se mbare shqiptaret jane me ju megjithese qeveria aktuale nuk ja pergjeghesi per privatizimin por ja neglixhence ne zgjidhhen e problemit padi dhe ajo ka 15% te aksioneve dhe nuk ka sekyestruar Rafinerine per borxhin ndaj tatimeve qe kapun qindra mulion dollar
PërgjigjuKERKONI Bracen qe u keni dhene voten
Përgjigju