Tirane- Kishte fshehur pistoletën brenda në valixhe për të udhëtuar më pas nga aeroporti i Rinasit drejt Italisë. Me të zbuluar skaneri pistoletën mes sendeve të tjera në valixhe policia i vuri prangat në flagrancë 23 vjeçarit Daors Gashi banues në Pejë.
Si rezultat i kontrolleve të dedikuara, bazuar në analizen e riskut dhe në informacionet e inteligjencës policore, të intensifikuara për shkak të fluksit në hyrje/dalje, shërbimet e Policisë Kufitare të PKK Rinas, në bashkëpunim me sërbimet e Sigurisë në aeroportin e Rinasit, finalizuan operacionin policor të koduar “Skanimi”, në kuadër të të cilit u godit një tentativë për të trafikuar armë zjarri nga Shqipëria në Itali.
Daors Gashi (Foto) u kap në flagrancë dhe u vu në pranga, në dalje të Shqipërisë
"Nga kontrolli nëpërmjet skanerit, në çantën e këtij shtetasi, u gjet dhe u sekuestrua në cilësinë e provës materiale, 1 armë zjarri pistoletë me municion luftarak” informoi sot policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme, për veprën penale “Trafikimi i armëve dhe i municionit”.
Komente
