TIRANË - Në një kohë kur debati për ripërtëritjen e anëtarëve të Gjykatës Kushtetuese është ndezur, sa i përket edhe mandatit të kryetares së kësaj gjykate Holta Zaçaj, mesa duket halli më i madh i opozitës është tek njëri prej anëtarëve të kësaj Gjykate.
E bëhet fjalë për gjyqtaren Sonila Bejtja e zgjedhur si anëtare nga ish-presidenti i Republikës, Ilir Meta, sot në burg.
Kjo gjyqtare është edhe bashkëshorte e Andi Bejtja shefit të lajmeve te Syri Tv. E pikërisht në njërin prej emisioneve të këtij televizioni, këshilltari ligjor në PD, Marash Logu ka kërcënuar me burg anëtarët e Kushtetueses që do vendosin për ndërprerjen e mandatit të zonjës Bejtja.
Logu u shpreh se “nëse bëhet kjo, të gjithë ata anëtarë të Gjykatës Kushtetuese të cilët do të ngrenë dorën dhe kartonin për ndërprerjen e mandatit të gjyqtares Sonila Bejtja, do të shkojnë në burg pasi kanë shkelur Kushtetutën dhe ligjin".
Marash Logu bëri të ditur se nëse shkohet deri në ndërprerjen e mandatit të zonjës Bejtja, grupi parlamentar i Partisë Demokratike do ta kallëzojë menjëherë në SPAK.
Komente
Cfare paradoksi! Marashi qe ka celsat e kashtes kercenon me burg ata qe japin vendimet gjyqesore!Vetes do t'ja japin denimin o Marash?!
Përgjigju