Dejvi Bregu ka lënë Umraniyespor në Turqi dhe ka kaluar në kampionatin polak me Wisla Krakow. 28-vjeçari vlonjat ka bërë këtë lëvizje surprizë në fundin e merkatos së janarit dhe tanimë do jetë rival me Ernest Muçin në elitën polake.
Fantazisti do jetë nga sot pjesë e klubit që ka fituar 13 herë titullin kampion në Poloni dhe që është krijuar në 1908. Kontrata e Bregut është deri në verën e këtij viti dhe nëse bën mirë atëherë do mund të rinovojë.
Për momentin Wisla Krakow mban vendin e gjashtë në renditje dhe kërkon të kapë zonën evropiane. Spanjolli Albert Rude do jetë trajner i Bregut, që duket se ka dhënë pëlqimin e tij për këtë afrim.
Flamurtari, Luftëtari, Skënderbeu, Teuta, Boluspor dhe Umraniyespor, këto janë klubet që ka luajtur Bregu.
