Rizogalo në furrë (Sultiash grek)
Përbërësit:
- 150 gr oriz
- 750 ml ujë i vluar
- 1 litër qumësht
- 200 gr sheqer
- 1 lugë gjelle niseshte
- Pak vanilje ose lëkurë limoni
- Kanellë për servirje
Përgatitja:
Në një tenxhere të madhe hedhim 750 ml ujë të vluar dhe shtojmë orizin. E ziejmë në zjarr të mesëm për 10-15 minuta, derisa orizi të zbutet dhe të pijë thuajse të gjithë ujin. Më pas shtojmë qumështin dhe sheqerin. E përziejmë vazhdimisht në zjarr të ulët për 10-15 minuta, që të mos ngjitet poshtë. Nëse e dëshirojmë më të trashë, tresim një lugë niseshte në pak qumësht të ftohtë dhe e shtojmë tek masa duke e përzier shpejt që të mos krijojë kokrriza. Në fund e aromatizojmë me pak vanilje ose lëkurë limoni. E kalojmë masën në një tavë ose në tasa të vegjël qeramike dhe i vendosim në furrë të parangrohur në 180°C për 20-30 minuta, derisa sipërfaqja të marrë një kore të artë.
Komento
Komente
