Kryeministri sllovak Robert Fico, do të kthehet në detyrat e tij së shpejti. Fico, 59 vjeç, u qëllua në një atentat teksa doli nga një mbledhje e qeverisë në qytetin Handlova më 15 maj.
Sipas mediave të huaja, sulmi e la kryeministrin në gjendje të rëndë dhe që atëherë ai i është nënshtruar dy operacioneve .
Fico iu drejtua publikut për herë të fundit në fillim të qershorit me anë të një videoje të postuar në Facebook .
Kryeministri sllovak falënderoi mjekët për kujdesin e tyre dhe tha se ai mund të kthehet në punë "në fund të qershorit ose në fillim të korrikut".
“Nuk mund të them që gjithçka po shkon sipas planit”, tha zëvendëskryeministri Robert Kalinak.
Kalinak tha se Fico është rikuperuar dhe është në gjendje të kryejë plotësisht detyrën e kryeministrit.
Robert Fico u qëllua nga Juraj Cintula, një shkrimtar dhe aktivist politik 71-vjeçar.
Sipas dokumenteve të gjykatës, Cintula tha se nuk kishte ndërmend të vriste Fico-n, por u tha autoriteteve se ai e bëri këtë sepse nuk ishte dakord me "politika të caktuara" të qeverisë aktuale.
