ROMË, Itali - Pas pritjes së mbrëmshme nga tifozët në aeroportin 'Fiumicino', nis zyrtarisht kapitulli i tretë i Claudio Ranierit (73 vjeç) si trajner i Romës.
Trajneri i ri mbërriti në 'Trigoria' në orët e drekës së kësaj të enjteje ku kishte pak tifozë që e prisnin dhe rreth orës 15:00 do të drejtojë stërvitjen e parë të skuadrës.
Termat e kontratës
Angazhimi i tij u zyrtarizua nga AS Roma. Kontratë deri më 30 qershor 2025 dhe më pas një e ardhme si menaxher. Ranieri ka nënshkruar një kontratë deri në qershor me vlerë rreth 1.5 milionë euro, me bonuse të lidhura me arritjen e objektivave specifike të ekipit, siç raporton La Gazzetta dello Sport.
Nëse aventura do të përfundonte pozitivisht, Friedkins i ofruan Ranierit një pozicion të mundshëm menaxherial, duke e lejuar kështu që të qëndronte në klub për një afat të gjatë.
Mirë se vjen në shtëpi, shkruan Roma në prezantim
