BRAZIL - Sulmuesi legjendar brazilian Romario luajti futboll profesionist deri në moshën 43-vjeçare, duke tejkaluar kështu idenë e përgjithshme se sa kohë një futbollist mund të luajë në mënyrë aktive futboll dhe pesëmbëdhjetë vjet pas tërheqjes të tij, ikona 58-vjeçare braziliane befasoi sërish publikun.
Përkatësisht, Romario është riregjistruar si futbollist i FC Amerikës braziliane në Rio de Zhaneiro dhe kështu do të ketë të drejtë të luaj për këtë klub në divizionin e dytë të kampionatit të Carioca.
Presidenti i këtij klubi është vetë Romario, i cili menjëherë në Instagram ka bërë të ditur se nuk ka ndërmend të luajë ndeshje të ligës, por se është regjistruar kryesisht për të luajtur 'disa ndeshje' për klubin e zemrës dhe për të luajtur së bashku me djalin e tij, i cili është edhe anëtar i këtij klubi.
"Unë nuk do të luaj në kampionat, por kam në plan të luaj disa ndeshje për ekipin e zemrës sime dhe kështu të realizoj një ëndërr tjetër, të luaj së bashku me djalin tim", ka thënë Romario.
