Një shpërthim ndodhi në kryeqytetin italian rreth orës 8:30 mëngjesin e kësaj të premteje. Më pas një shtëllungë tymi u ngrit dhjetëra metra lart në zonën e via dei Gordiani, në juglindje të Romës. Bëhet fjalë për një pikë karburanti ku shpërndahej gaz i lëngshëm ky dy depozita shpërthyen. Zjarrfikësit dhe forcat e rendit nxituan në vendngjarje, ndërsa banorët nisën të largohen menjëherë. Raportohet se tetë oficerë policie dhe një zjarrfikës janë plagosur. Shërbimi i emergjencës është aktualisht në vendngjarje ndërsa zjarrfikësit po përpiqen ende të shuajnë zjarrin. Numri total i të plagosurve sipas mediave italiane është 45 sipas përditësimeve të fundit. Mes tyre sipas La Repubblica, paraqitet në gjendje të rëndë 2 persona.
Sipas disa dëshmive të mbledhura në mediat sociale, fillimisht pati një zjarr dhe më pas ndodhën dy shpërthime pothuajse njëra pas tjetrës, i dyti prej të cilëve ishte më i fortë. U aktivizua plani i emergjencës së qytetit: të gjitha dhomat e urgjencës së qytetit u njoftuan sipas udhëzimeve në rast të situatave të këtij lloji. Emergjencat civile kanë këshilluar baonrët që jetojnë pranë vendit të ngjarjes që të mos hapin dritaret e shtëpive të tyre.
Arsyet e rënies së zjarrit që shkaktoi shpërthimin janë në hetim, ndërsa paraprakisht mësohet se një automjet në radhë, ka goditur një nga pompat e karburantit.
Kryeministrja Giorgia Meloni po ndjek gjithashtu situatën dhe po përditësohet për pasojat e shpërthimit. Kryeministrja ka folur me kryetarin e bashkisë Roberto Gualtieri dhe është në kontakt të ngushtë me nënsekretarin Alfredo Mantovano, i cili informohet vazhdimisht nga autoritetet kompetente, me vëmendje të veçantë për shëndetin e të përfshirëve.
//Corriere //La Repubblica
Menjëherë pas mbërritjes së zjarrëfikësve në karburantin në zonën Trieste në Romë, banorët dokumentuan dhe shpërndanë në rrjetet sociale pamje. Video më poshtë e botuar edhe nga La Repubblica tregon një banor të zonës shumë pranë vatrës që filmoi momentin e shpërthimit të fuqishëm nga ballkoni i banesës. Personi që filmoi momentin përplaset në tokë për shkak të forcës së shpërthimit, i cili ka shkaktuar dëme të shumta materiale në zonën përreth.
Komente
