Romë- Një 45-vjeçar shqiptar është kapur ‘mat’ nga policia, teksa kishte hyrë për të grabitur një restorant në kryeqytetin italian, Romë, teksa sinjali i alarmit i lidhur me zyrat e Policisë e tradhtoi.
Ngjarja ka ndodhur në restorantin ‘Casal de' Pazzi', teksa oficerët në momentin që hynë brenda dalluan të dyshuarin që po përpiqej të bastiste arkën e subjektit për të marrë paratë. Shqiptari kishte shqyer derën e pasme të biznesit për të hyrë brenda, teksa në holl u dallua edhe një karrocë dore e mbushur me pijet alkoolike më të mira, kryesisht verë.
Me të parë oficerët, ai u përpoq të ikte, por u kap pak metra më tej gjatë ndjekjes në këmbë, infrormon media.
Shqiptari u arrestua për vjedhje të rëndë. Prokuroria kërkoi dhe mori vlefshmërinë e arrestimit nga gjyqtari i hetimeve paraprake dhe qëndron në paraburgim.
Komente
