“El Clasico” mbrëmë u mbyll pa fitues, por te Reali i Madridit janë bërë me dhimbje koke për shkak të dëmtimit që pësoi Ronaldo në pjesën e pare pas shënimit të golit të barazimit. Në përfundim të ndeshjes Zidane deklaroi se sot do të mësohet shkalla e dëmtimit të portugezit. “Ronaldo nuk është mirë, por të hënën do të njihemi me shkallën e dëmtimit” u shpreh Zidane.
E ndërsa Ronaldo u bë protagonist për golin e barazimit dhe dëmtimin që e nxori nga fusha, Messi iu vërsul arbitrit pas nxjerrjes me karton të kuq të Robertos në fundin e pjesës së parë. Sipas mediave spanjolle sulmuesi i Barcelonës iu drejtua arbitrit kryesor me fjalët “Po e bën në brekë! Po fal Realin”. Ndeshja kishte mjaft polemika nga goditja e Robertos ndaj Marcelos, te penalltitë e pa dhëna dhe goli i dytë i Barcelonës me faull.
