Roskovec- Dy makina tip ‘Benz’ janë përplasur pasditen e sotme në aksin rrugor Marinzë- Suk 1, Roskovec.
Si pasojë e përplasjes të plagosur kanë mbetur dy drejtuesit e automjeteve dhe një çoban që po kalonte aty me dele, i identifikuar si Festim Gllava.
Burime për Report Tv bëjnë me dije se kanë ngordhur mbi 30 krerë bagëti.
Sipas njoftimit të bluve paraprakisht dyshohet se shkak i aksidentit është bërë ndërprerja e rrugës nga disa bagëti të imëta.
“Rreth orës 18:00, në aksin rrugor Berat-Roskovec, në fshatin Suk 1, automjeti me drejtues shtetasin Qerim Malka, është përplasur me automjetin me drejtues shtetasin Luis Malka.
Paraprakisht dyshohet se shkak i aksidentit është bërë ndërprerja e rrugës nga disa bagëti të imëta.
Si pasojë e përplasjes ka ndërruar jetë shtetasi Festim Gllava, i cili po kalonte bagëtitë e imëta në rrugë, ku disa krerë bagëti kanë ngordhur, po si pasojë e përplasjes”, informoi sot policia.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
Komente
