Seanca e sotme në Kuvend spikati sërish për mazhorancën e bashkuar socialiste, e cila në dy votime të rëndësishme, siç ishte ligji për ndalimin e lojërave të fatit, por edhe dekreti i Metës për Teatrin, nuk pati rrjedhje votash.
Fotografi Agim Rama, i cili i kushton vëmendje çdo detaji në seancat që zhvillohen në Parlament, në këtë të enjte, ‘fokusi’ i aparatit të tij është deputeti socialist Rrahman Rraja, babai i Rexhep Rrajës, i njohur tashmë për dhunimin dhe përndjekjen e Xhisiela Malokut.
Në fotot e shpërndara prej tij, shihet sesi Rrahman Rraja me paterica, pasi siç është mësuar më herët, ka pësuar një thyerje të këmbës, shihet në Audi-n e tij luksoz, e më pas me kartonin jeshil duke votuar pro mbylljes së lojërave të fatit në Kuvend.
Por, të qeshur duken edhe të tjerë socialistë që kanë pozuar para aparatit. Dy ministrat Arben Ahmetaj dhe Damian Gjiknuri shihen teksa qeshin me njëri-tjetrin.
Artisti dhe deputeti Fate Velaj shfaqet nën shoqërinë e ministrit të Brendshëm, Fatmir Xhafaj, ndërkohë edhe zonjat e PS, Elona Gjebrea e Elisa Spiropali, bashkë me Reme Lalën, e futur tashmë nën ombrellën e socialistëve nuk kanë munguar në parlament.
Për më shumë ndiqni fotogalerinë.
Komente
bravo babi me A8 te funit marshalla , dhe ky fiq duhet te ket shit ne kruje se ska mundesi te bej lek ne menyre tjeter
Përgjigju