Gjykata e Tiranës ka dënuar me 15 vite burg Alban Menerin, i cili i mori jetën fqinjit të tij Nikolin Stakës, në korrik të vitit të kaluar, pasi e goditi me grushte për një vend parkimi në një lagje të Tiranës.
Ngjarja ndodhi pasditen e 30 Korrikut në rrugën “Sulejman Pitarka” në kryeqytet, ku autori fillimisht po debatonte me një parukiere për një vend parkimi, të cilin pretendonte se kishte pronë të veten.
Nga ballkoni i banesës përballë, ka ndërhyrë Nikolin Staka dhe i ka thënë: 'Çfarë bën, nuk të vjen zor që zihesh me gra', ndërsa Meneri iu kundërpërgjigj: 'Zbrit poshtë se ta tregoj unë'.
Staka ka zbritur për t'u përballur me Menerin, i cili e ka qëlluar me grushte në kokë e fytyrë dhe më pas ka ikur. Plagët e rënda i shkaktuan hemorragji dhe për pasojë ndërroi jetë në banesë, pasi nuk shkoi në spital të merrte mjekim, sepse jetonte vetëm.
Nikolin Staka nga Laçi, me profesion mësues jetonte prej një muaji në Tiranë, ku kishte marrë banesë me qira. Më herë jetonte në Belgjikë.
Komente
Tirana veni i betonit dhe pa standare. Pa parkime dhe nermal se do shkatoje probleme.
PërgjigjuTurp!
PërgjigjuHajde te mbash dhe kete ordinerin 15 vjet me buke...
Përgjigjuky hale duhej denuar me burgim te perjetshem...
PërgjigjuOse në psikiatri ku ta dëndnin me gjipëra që mos bëhet më, kafsha
6 muaj per vrasjen e dikujt? Si ka mundesi..
Përgjigju