Shqiptarët vijojnë të jenë kryefjalë e mediave britanike, me arrestime, përfshirje në ngjarje kriminale apo emigracionin e paligjshëm.
Së fundmi, rrëfimi i një 38-vjeçareje ka marrë vëmendjen e tablodit britanik Daily Mail, e cila pretendon se është mashtruar nga një shqiptar, i cili sipas saj, u martua me të vetëm për të përfituar vizë në Mbretërinë e Bashkuar.
Natasha Chambers, 38 vjeç, tregon se martesa me shqiptarin ka përfunduar vetëm pas një viti nga celebrimi i tyre. Në rrëfimin e saj ajo shprehet se do të paralajmërojë gratë e tjera që të mos bien pre e këtij mashtrimi.
“Së pari, nuk po them që të gjithë shqiptarët janë njësoj, nuk po them që të gjithë emigrantët e paligjshëm janë njësoj. Por njeriu me të cilin isha dukej se dinte saktësisht se çfarë të bënte, ai i dinte të gjitha truket. Isha kokë e këmbë e dashuruar me të, ai më mbushi me dashuri. Por mbeta zemërthyer kur martesa jonë përfundoi pas vetëm një viti. Tani pas ca kohësh ndjej se ai më përdori. Ai nuk më kishte mbështetur kurrë financiarisht, unë e mbështeta atë.
Ndoshta disa vijnë këtu dhe bien në dashuri dhe duan të jenë me atë person përgjithmonë. Nuk dua të them se kam prova që ai më donte për vizë, thjesht po tregoj se si ishte martesa dhe marrëdhënia ime, si më bëri të ndihem dhe çfarë më bëri të mendoj”– tregoi ajo.
Ajo gjithashtu u bëri thirrje ndjekësve që të mos mendojnë se ‘të gjithë shqiptarët po i përdorin për letra’. E reja ka 3 fëmijë nga martesa e saj e parë dhe tregoi se po kalonte një kohë të keqe kur takoi shqiptarin në kërkim të dashurisë në një faqe interneti takimesh, në dhjetor 2022.
“Ai erdhi me gjithë sharmin e tij dhe u takuam personalisht menjëherë më pas. Ai ishte shumë i gjatë, i pashëm. Pas disa takimesh u lidhëm dhe ai u zhvendos të jetonte me mua dhe familjen time. E dija se ai jetonte këtu ilegalisht. Ai kishte pesë vjet këtu kur e takova dhe punonte në ndërtim me kushëririn e tij”, ka treguar ajo.
Çifti shpejt u fejuan dhe u martuan në gusht 2023 për t'u ndarë vetëm 14 muaj më vonë.
“Ai u deportua më 27 dhjetor. Jemi në kontakt dhe ai ishte shumë i zemëruar që e kisha postuar historinë time në rrjetet sociale.
"Unë jam ende e martuar me të, por do të divorcohem sa më shpejt që të kem mundësi."
Pasi u martuan, Natasha diskutoi për një fëmijë me burrin e saj të ri.
"Atëherë ai ndryshoi plotësisht si person, ai kishte qenë shumë i vëmendshëm dhe i dashur më parë," tha ajo.
Ai kishte qenë fantastik me fëmijët në fillim, ishte një dhuratë nga perëndia dhe ndihmoi shumë, por gjithçka ndryshoi shumë shpejt.
“Ai më kishte kushtuar vëmendjen e tij të plotë, ai ishte shumë i sjellshëm, besnik dhe ishte shoku im më i mirë dhe dukej kaq i sinqertë.
'Gjithçka ishte thjesht perfekte. Ishim shumë të lumtur'.
Por lumturia nuk do të zgjaste dhe 'gjërat ndryshuan në mënyrë dramatike'.
“Doja të kisha një fëmijë me të dhe mendova se një burrë i moshës së tij do ta dëshironte edhe këtë, por ai tha jo.
“Vetëm kur ai kishte probleme me marrjen e vizës, ai tregoi interes për të pasur një fëmijë. Por deri atëherë ishte tashmë tepër vonë. Tashmë e kuptova se u mashtrova.”
Natasha theksoi se ajo "nuk dëshiron të bëjë të duket se ajo është në rregull dhe ai e ka gabim". Ajo shtoi: “Unë nuk po keqpërdor shqiptarët, nuk po keqpërdor emigrantët e paligjshëm.
Komente
