Mia le Roux është bërë gruaja e parë me aftësi të kufizuara në dëgjim, e cila është kurorëzuar si Miss Afrika e Jugut.
Në fjalimin e saj, Le Roux tha se shpresonte se fitorja e saj do t'i ndihmonte ata që ndiheshin të përjashtuar nga shoqëria për të arritur ëndrrat e tyre më të mëdha, ashtu si ajo, shkruan BBC.
Ajo tha se donte të ndihmonte ata që ishin të përjashtuar financiarisht ose me aftësi ndryshe.
Le Roux, 28 vjeç, u diagnostikua me humbje të thellë të dëgjimit në moshën një vjeçare dhe ka një implant koklear për ta ndihmuar të perceptojë tingullin.
Ajo tha se ishin dashur dy vjet terapi të të folurit para se të ishte në gjendje të thoshte fjalët e saj të para.
"Unë jam një grua e shurdhër dhe krenare nga Afrika e Jugut dhe e di se si është të jesh e përjashtuar. Tani e di që u vendosa në këtë planet për të thyer tabutë dhe e bëra këtë sonte”, tha pas fitores Mia le Roux.
