Mbrëmjen e djeshme në lagjen nr. 17 të Korçës është shënuar një ngjarje që ka shokuar qytetin, pasi një person i dyshuar me probleme mendore tentoi që të rrëmbejë një fëmijë rreth 4 vjeç.
Fëmija ka qenë me nënën në momentin që autori e tërhoqi me forcë duke tentuar ta rrëmbejë. Por ndërhyrja në kohë e disa të rinjve, banorë të lagjes parandaloi ngjarjen e rënda.
Adoleshenti Xhoniel Qelemeni tregon si ndodhi ngjarja dhe si e kapi autorin së bashku dy shokët e tij duke ia dorëzuar policsië.
'Ishte e ëma me vajzën kaluan në rrugë, unë isha me dy shokë, e pashë atë tipin që kaloi dhe i shkoi nga mbrapa ta merrte çupën, i thirrëm ne 'çfarë bën ti'?
U tremb dhe iku, e ndoqa me vrap, ai u lodh nga vrapi, e ndalova dhe e kapa me shokët. Rastisi që kaloi edhe policia dhe e mori, nuk e njihja. Ora ishte 09:20. Ia mori nënës, ia tërhoqi nënës dhe i zuri dorën çupës.
Nëna u tremb. Unë e pyeta nëse e ka gjë djalin dhe tha jo, dhe e ndoqëm. Vajza ishte e trembur. Nuk kishte ndodhur ndonjëherë kjo, hera e parë që na kishin parë sytë' tha adoleshenti Xhoniel Qelemeni.
Pallati ku ndodhi ngjarja
Komente
Bravoooo te lumte zoti ta shperbleft
Përgjigju