JAPONI- 80 persona rezultojnë të zhdukur pas rrëshqitjes së dheut dy ditë më parë në Japoni që shkaktoi shembje të shtëpive në një zonë të populluar turistike.
Sipas raportimeve nga mediat e huaja, deri më tani janë regjistruar vetëm 3 viktima, ndërsa numri i të zhdukurve është ulur këtë të hënë nga 113 në 80.
Autoritet kanë angazhuar 1.500 persona në grupet e kërkim shpëtimit për të bërë të mundur gjetjen e personave që rezultojnë të zhdukur.
Vetëm dy ditë më parë rreth 130 ndërtesa u prekën nga rrëshqitja e dheut, zonë ku banonin rreth 36.000 qytetarë. Rrëshqitja e dheut u shkaktua nga reshjet e rrëmbyeshme, ndërsa autoritetet u bëjnë thirrje banorëve që të tregohen vigjilentë pasi toka është e mbingopur me ujë dhe rrezikon që të ketë përsëri rrëshqitje.
