Rritja e numrit të papunëve si pasojë e pandemisë së COVID-19, menjëherë ka ndikuar në uljen e të ardhurave nga tatimet dhe kontributet e sigurimeve shoqërore dhe shëndetësore.
Kanë rënë me 10.6 milionë euro të ardhurat nga kontributet e sigurimeve shoqërore dhe shëndetësore të punonjësve, në 7 muaj kraharuar me të njëjtën periudhë të jë viti më parë.
Këto të dhëna tregojnë drejtpërsëdrejti se numri i të papunëve është rritur dhe kontributet kanë rënë.
Edhe pse ende nuk ka një të dhënë të saktë se sa është numri i të papunëve në këto 6 muaj pandemi, shifra i ka kaluar 50 mijë, ndërkohë sipas ministrisë së Financave deri në qershor numri i të papunëve ishte 38 mijë. Por ky nuk është treguesi i vetëm për uljen e kontribuuesve në sistemin e tatimeve.
Buxhetit të shtetit vetëm nga zëri i tatimit mbi të ardhurat personale i mungojnë rreth 56 milionë euro në raport me 2019. Sipas të dhënave të Ministrisë së Financave në 7 muaj të këtij viti u mblodhën në total 156 milionë euro, nga 213 milionë euro që u mblodhën në të njëjtën periudhë të vitit 2019. Për ish deputeten e PD Jorida Tabaku është e pamundur te fshihet papunësia, varfëria dhe ulja e qepenave.
“160 shqiptare ne dite humben punën qe prej fillimit te vitit. 177 biznese mbyllen çdo dite dhe këto janë vetëm shifrat zyrtare. Po te llogarisim dhe punonjësit e informalitetit, numri i familjeve shqiptare qe nuk kane mundësi te ushqejnë fëmijët e tyre është i frikshëm për një vend evropian”, thotë Tabaku.
Sipas ish deputetes Shqipëria mund të rimëkëmbet vetëm nëse ka një plan serioz ne shërbim te qytetareve dhe bizneseve.
Komente
Babale Tabaku By** Bardhaku
Përgjigju