Klevi Qefalija është rikthyer të vrapojë. Pas dëmtimit të rëndë në kokë, mesfushori i Tiranës ka nisur stërvitjen në fushë edhe pse në mënyrë individuale. Pas dy muajve nga dëmtimi (28 gusht) i rëndë që pësoi në transfertën me Egnatian, 18 vjeçari bardheblu ka dalë në barin e "Skënder Halilit".
Djaloshi ka lënë gjithçka pas, duke u fokusuar te rikuperimi dhe arrtija e formës fizike sa më parë. Do jetë trajneri Orges Shehi ai që do vendosë për aktivizimin e Qefalijas në fushë, me lojtarin që sipas mjekëve nuk ka më probleme nga dëmtimi i rëndë që pësoi dy muaj më parë.
Kujtojmë se në transfertën e Rrogozhinës, fituar 0-2 nga Tirana, Qefalija la fushën e lojës pas një përplasje të rëndë në minutën e 32, duke u dërguar me urgjencë në spital.
Komento
