SHËNGJIN- Katër pushues që rrezikonin të mbyteshin në detin e Shëngjinit janë shpëtuar nga Policia Kufitare. Rasti i parë ka qenë i një pushuesi austriak, i cili ka qenë duke ushtruar sërf, në hapësirën detare të plazhit “Vain”, por ishte spostuar në thellësi nga era dhe kërkoi ndihmë.
Ndërkohë, rasti tjetër është i tre shqiptareve nga Kosova, të cilat duke lundruar me pedalin i kishte shtyrë era në thellësi dhe për shkak të erës dhe dallgëve rrezikonin të mbyteshin.
Shërbimet e Policisë Kufitare janë nisur menjëherë, me mjetet lundruese dhe kanë bërë të mundur nxjerrjen e tyre në breg të detit në gjendje të mirë shëndetësore.
Komento
