Qeveria ka miratuar sot (08 Nëntor) planin e menaxhimit të basenit ujor Erzen për periudhën 2024-2029. Në listën e vendimeve të miratuar në mbledhjen e qeverisë, thuhet se me propozimin e Kryeministrit, Këshilli i Ministrave vendosi miratimin e Planit të Menaxhimit të Basenit Ujor Erzen 2024-2029, sipas tekstit që i bashkëlidhet këtij vendimi dhe është pjesë përbërëse e tij.
Zbatimi i këtij plani, sipas vendimit nis nga viti i ardhshëm, ndërsa thuhet se për administrimin e burimeve ujore do të ngarkohen organet përgjegjëse.
VENDIM PËR MIRATIMIN E PLANIT TË MENAXHIMIT TË BASENIT UJOR ERZEN 2024-2029
Në mbështetje të nenit 100 të Kushtetutës, të shkronjës “d”, të pikës 2, të nenit 8, të ligjit nr.111/2012, “Për menaxhimin e integruar të burimeve ujore”, të ndryshuar, dhe në vijim të pikës 23, të kreut 3, të shtojcës II, të vendimit nr.1015, datë 16.12.2020, të Këshillit të Ministrave, “Për përmbajtjen, zhvillimin dhe zbatimin e Strategjisë Kombëtare të Menaxhimit të Burimeve Ujore, të planeve të menaxhimit të baseneve ujore dhe planeve të menaxhimit të rrezikut nga përmbytjet”, me propozimin e Kryeministrit, Këshilli i Ministrave
V E N D O S I:
1. Miratimin e Planit të Menaxhimit të Basenit Ujor Erzen 2024-2029, sipas tekstit që i bashkëlidhet këtij vendimi dhe është pjesë përbërëse e tij.
2. Zbatimi i Planit të Menaxhimit të Basenit Ujor Erzen 2024-2029 fillon në vitin 2024.
3. Ngarkohen organet përgjegjëse për administrimin e burimeve ujore dhe të gjitha institucionet e përmendura në tekstin e këtij plani për zbatimin e këtij vendimi.
Gjithashtu është miratuar plani i menaxhimit të basenit ujor Ishëm për të njëjtën periudhë.
E PLANIT TË MENAXHIMIT TË BASENIT UJOR ISHËM 2024-2029
VENDIM PËR MIRATIMIN E PLANIT TË MENAXHIMIT TË BASENIT UJOR ISHËM 2024-2029
Në mbështetje të nenit 100 të Kushtetutës, të shkronjës “d”, të pikës 2, të nenit 8, të ligjit nr.111/2012, “Për menaxhimin e integruar të burimeve ujore”, të ndryshuar, dhe në vijim të pikës 23, të kreut 3, të shtojcës II, të vendimit nr.1015, datë 16.12.2020, të Këshillit të Ministrave, “Për përmbajtjen, zhvillimin dhe zbatimin e Strategjisë Kombëtare të Menaxhimit të Burimeve Ujore, të planeve të menaxhimit të baseneve ujore dhe planeve të menaxhimit të rrezikut nga përmbytjet”, me propozimin e Kryeministrit, Këshilli i Ministrave
V E N D O S I:
1. Miratimin e Planit të Menaxhimit të Basenit Ujor Ishëm 2024-2029, sipas tekstit që i bashkëlidhet këtij vendimi dhe është pjesë përbërëse e tij.
2. Zbatimi i Planit të Menaxhimit të Basenit Ujor Ishëm 2024-2029 fillon në vitin 2024.
3. Ngarkohen organet përgjegjëse për administrimin e burimeve ujore dhe të gjitha institucionet e përmendura në tekstin e këtij plani për zbatimin e këtij vendimi.
Gjithashtu këtë të mërkurë Këshilli i Ministrave ka miratuar disa vendime të tjera rëndësishme. Nisur këtu nga plani i menaxhimit të baseneve ujore në Erzen dhe Ishëm, hapja e institutit arsimor privat parauniversitar të arsimit të mesëm “Ecole Internacional”, pronat e paluajtshme të shtetit deri te projekti ‘Shtrati i Lumit Lana-Zhvillim urban’
Këshilli i Ministrave ka miratuar në mbledhjen e sotme vendimin për hapjen e institucionit arsimor privat parauniversitar të arsimit të mesëm të ulët “Ecole Internationale”, ku mësimi zhvillohet në gjuhën frënge.
Sipas VKM-së së publikuar, vendimi vjen në mbështetje të ligjit “Për sistemin arsimor parauniversitar në Republikën e Shqipërisë”, me propozim të ministrit të Arsimit dhe Sportit.
VENDIMI PËR HAPJEN E INSTITUCIONIT ARSIMOR PRIVAT PARAUNIVERSITAR TË ARSIMIT TË MESËM TË ULËT “ECOLE INTERNATIONALE”, KU MËSIMI ZHVILLOHET NË GJUHËN FRËNGE
Në mbështetje të nenit 100 të Kushtetutës dhe të pikës 5, të nenit 42, të ligjit nr.69/2012, “Për sistemin arsimor parauniversitar në Republikën e Shqipërisë”, të ndryshuar, me propozimin e ministrit të Arsimit dhe Sportit, Këshilli i Ministrave
V E N D O S I:
1. Hapjen e institucionit arsimor privat parauniversitar të arsimit të mesëm të ulët “Ecole Internationale”, me kohë të plotë, i cili ushtron veprimtarinë arsimore, në adresën: Rruga Tiranë-Elbasan, km 5, Lundër, Tiranë, me numër pasurie 867/19. Në këtë institucion arsimor mësimi zhvillohet në gjuhën frënge, ndërsa lëndët “Gjuhë shqipe”, “Histori e kombit shqiptar” dhe “Gjeografi e Shqipërisë” zhvillohen detyrimisht në gjuhën shqipe.
2. Ngarkohen Ministria e Arsimit dhe Sportit, Drejtoria e Përgjithshme e Arsimit Parauniversitar, Drejtoria Rajonale e Arsimit Parauniversitar, Durrës, Zyra Vendore e Arsimit Parauniversitar, Tiranë, dhe institucioni arsimor privat parauniversitar i arsimit të mesëm të ulët “Ecole Internationale” për zbatimin e këtij vendimi.
Ky vendim hyn në fuqi pas botimit në “Fletoren zyrtare”.
Komente
Po baseni i Liqenit Artificial të Tiranës edhe sa Kulla do ndërtohen o Sulltani i nderuar!
Përgjigju