Një bombardues rus, SU-34, u rrëzua në malet e Kaukazit gjatë një fluturimi stërvitor, duke shkaktuar vdekjen e të gjithë ekuipazhit në bord,informon agjencia e lajmeve Reuters.
“Në Republikën e Osetisë së Veriut-Alanisë, në një zonë malore, një avion Su-34 i Forcave Ajrore Ruse u rrëzua gjatë një fluturimi të planifikuar stërvitor, ka njoftuar Ministria e Mbrojtjes.
“Avioni u rrëzua në një zonë të shkretë. Nuk ka shkatërrime në tokë, ndërsa ekuipazhi humbi jetën”.
Ndërkohë është ende e paqartë se sa njerëz ishin në bord.
Sukhoi Su-34 është një avion luftarak-bombardues supersonik me rreze të mesme veprimi rus me origjinë sovjetike.
Komento
